హర్ముజ్‌ జలసంధిలో సడలింపులు: ఉద్రిక్తతలకు తాత్కాలిక విరామమా?

ఇజ్రాయెల్‌, అమెరికా దాడుల నేపథ్యంలో ఇరాన్‌లో పరిస్థితులు తీవ్ర ఉద్రిక్తంగా మారాయి. ప్రతిస్పందనగా ఇరాన్‌ కూడా ఇజ్రాయెల్‌పైనే కాకుండా పొరుగు దేశాల్లో ఉన్న అమెరికా సైనిక స్థావరాలపై దాడులు కొనసాగిస్తోంది.దాడులు–ప్రతిదాడులతో పశ్చిమాసియాలో పరిస్థితి మరింత ఆందోళనకరంగా మారుతోంది. ఈ నేపథ్యంలో ప్రపంచ ఇంధన సరఫరాకు కీలకమైన Strait of Hormuz ను ఇరాన్‌ మూసివేసినట్లు ప్రకటించింది. ఆ జలసంధి గుండా ప్రయాణించే చమురు ట్యాంకర్లను లక్ష్యంగా చేసుకుంటామని హెచ్చరించింది. కొన్ని నౌకలపై దాడులు జరిగినట్లు కూడా సమాచారం వెలువడింది.దీంతో హార్ముజ్‌ మార్గంలో ప్రయాణానికి అనుమతి కోసం అనేక చమురు నౌకలు సముద్రంలోనే నిలిచిపోయాయి. అయితే చైనా‌కు చెందిన చమురు నౌకలకు మాత్రం ఆ మార్గంలో వెళ్లేందుకు ఇరాన్‌ అనుమతి ఇచ్చినట్లు వార్తలు వస్తున్నాయి. మధ్యప్రాచ్య సంక్షోభం ప్రారంభమైనప్పటి నుంచి చైనా ఇరాన్‌కు మద్దతు ఇస్తోందనే అభిప్రాయం ఉండటంతో, దానికి ప్రతిఫలంగానే ఈ నిర్ణయం తీసుకున్నట్టు విశ్వసనీయ వర్గాలు చెబుతున్నాయి.ప్రపంచ దేశాలకు చమురు రవాణాలో హార్ముజ్‌ జలసంధి అత్యంత కీలక మార్గం. ఇది పర్షియన్‌ గల్ఫ్‌ను విస్తృత సముద్రంతో కలిపే ప్రధాన చోక్‌పాయింట్‌. ఈ మార్గం మూసివేత గ్లోబల్‌ సరఫరా గొలుసుపై తీవ్ర ప్రభావం చూపే అవకాశముంది.తెలుగు జాతీయ వార్తలు, ప్రత్యేక కథనాలు, ట్రెండింగ్ వీడియోల కోసం Prajatantra వెబ్‌సైట్‌ను సందర్శించండి. తాజా అప్‌డేట్స్ కోసం మా X (Twitter), Facebook, WhatsApp ఛానళ్లను ఫాలో అవ్వండి. అలాగే మా ప్రజాతంత్ర YouTube చానల్‌ను సబ్‌స్క్రైబ్ చేయండి. మీ అభిప్రాయాలను కామెంట్ రూపంలో తెలియజేయండి. ఈ కథనాన్ని మీ స్నేహితులు, కుటుంబ సభ్యులతో పంచుకోవడం మర్చిపోవద్దు.