విశాఖ-డెల్హి రూట్: ఇండిగో ఫ్లైట్‌లో టెక్నికల్ లోపం, ఎమర్జెన్సీ స్థితి

విశాఖపట్నం నుండి దేశ రాజధానికి బయలుదేరిన ఇండిగో విమానంలో తీవ్ర సాంకేతిక లోపం ఏర్పడింది. ఇంజిన్ నుండి అనుకోని శబ్దాలు వినిపించడంతో పైలెట్లు అప్రమత్తమయ్యారు.తక్షణమే సమాచారం డెల్హీ ఇందిరాగాంధీ అంతర్జాతీయ విమానాశ్రయం సిబ్బందికి అందించబడింది. అత్యవసర పరిస్థితులకు ఎదుర్కోవడానికి ఎయిర్‌పోర్ట్‌లో ఫుల్ ఎమర్జెన్సీ విధించబడింది.ఈ ఘటన కారణంగా విమానాశ్రయంలో తీవ్ర అలజడి నెలకొంది. బోయింగ్ 737 (ఫ్లైట్ నంబర్ 6E 579) విశాఖపట్నం నుంచి ఢిల్లీలోకి వస్తుండగా, ఇంజిన్ వైఫల్యం సంభవించే అవకాశం ఉన్నట్లు సమాచారం అందడంతో అధికారులు అప్రమత్తమయ్యారు. సురక్షిత ల్యాండింగ్ కోసం ప్రత్యేక ఏర్పాట్లు చేపట్టారు. రన్‌వే 28ని ప్రత్యేకంగా కేటాయించి, ఇతర విమానాల ట్రాఫిక్‌ను ఆపివేశారు.పైలట్లు చాకచక్యంగా స్పందించడంతో, పెద్ద ప్రమాదం తప్పింది. అత్యవసర ప్రోటోకాల్‌లు పాటిస్తూ, విమానం ఉదయం 10:54 నిమిషాలకు రన్‌వే 28పై సురక్షితంగా ల్యాండ్ అయింది. ల్యాండింగ్ సమయంలో అగ్నిమాపక వాహనాలు, అంబులెన్స్‌లు సిద్ధంగా ఉంచబడ్డాయి.విమానంలో మొత్తం 161 ప్రయాణికులు ఉన్నారు. సురక్షిత ల్యాండింగ్ అనంతరం, వారందరినీ సమస్యలు లేకుండా విమానం నుండి బయటకు తరలించారు. ప్రాథమిక తనిఖీల తర్వాత, ప్రతి ప్రయాణికుడిని వారి గమ్యస్థానాలకు పంపించారు.ఇండిగో సాంకేతిక బృందం ఇప్పుడే విమానాన్ని సమగ్రంగా పరిశీలిస్తోంది. లోపం తీవ్రత, తలెత్తిన కారణాలను గుర్తించడానికి విస్తృతమైన విచారణ జరుగుతోంది. దేశీయ కమర్షియల్ విమానాల్లో సుమారు 50 శాతం వరకు సాంకేతిక సమస్యలు ఉండే అవకాశాన్ని పార్లమెంటరీ ప్యానెల్ ఇప్పటికే వెల్లడించింది.