ఆంధ్రప్రదేశ్ మ్యగజైన్ ఎడిటర్ గెంటివేత- కార్యాలయానికి తాళం
Andhra Pradesh Telugu | Suryaa Desk | Published : Thu, Jun 27, 2019, 03:24 PM
ఆంధ్రప్రదేశ్ ప్రభుత్వ మ్యాగజైన్ ఎడిటర్ ని జగన్ ప్రభుత్వం బలవంతంగా పంపేసింది. ముఖ్యమంత్రిగా జగన్మోహన్రెడ్డి ప్రమాణ స్వీకార కార్యక్రమాన్ని బ్లాక్ అండ్ వైట్లో ప్రచురించడమే కాకుండా గజైన్లో హెడ్లైన్ను ‘జగన్ అనే అతడు’ అని పెట్టడం అధికార వర్గాలకు కోపం తెప్పించింది. మేగజైన్ బృందం సిఎంని అవహేళన చేసేలా ఉందంటూ జూన్ ఎడిషన్ను బయటకు రాకుండా నిలిపివేసిన సంగతి తెలిసిందే. తాజాగా కొందరు అధికారులే ఆ పత్రిక ఎడిటర్ని కందుల రమేష్ను కార్యాలయం నుంచి బయటకు పంపి గదికి తాళం వేయటం గమనార్హం.
ఆంధ్రప్రదేశ్ ప్రభుత్వ పథకాలు, ప్రభుత్వ కార్యక్రమాలను ప్రజలకు వివరించేందుకు ఆంధ్రప్రదేశ్ పేరుతో మేగజైన్ను ప్రభుత్వం నిర్వహిస్తోంది. గత ప్రభుత్వ హయాంలో ఈ పత్రికకు ఎడిటర్గా నియమింప బడ్డ సీనియర్ జర్నలిస్టు కందుల రమేష్ నియామకం జరిగింది. ప్రభుత్వం మారాక ఆయన రాజీనామా చేస్తారని అంతా భావించినా చేయకపోవటంతో వైసిపి వర్గాలు తీవ్రాగ్రహం వ్యక్తం చేసాయి. ఈ క్రమంలో జూన్ సంచిక వివాదంగా మారటంతో రమేష్ కార్యాలయానికి తాళం వేసినట్టు కనిపిస్తోంది.
|
|