నాసా సందర్శనకు ఎంపికైన ఐఐటి విద్యార్ధిని
Andhra Pradesh Telugu | Suryaa Desk | Published : Sun, Sep 29, 2019, 08:03 PM
ఆస్ట్రానాట్ మెమోరియల్ సంస్థ, ఫ్లోరిడా ఇనిస్టిట్యూట్ ఆఫ్ టెక్నాలజీ, గో ఫర్ గురు సంయుక్తంగా నిర్వహించిన జాతీయ అంతరిక్ష పరిశోధనా సంస్థ పరీక్షలో భాష్యం ఐఐటి అకాడమీ ఫౌండేషన్లో 9వ తరగతి చదువుతున్న జి.సాయి పూజిత పూజిత అద్బుత ప్రదర్శన కనబరిచింది. దేశవ్యాప్తంగా 826 విద్యాసంస్థల నుంచి పెద్ద సంఖ్యలో విద్యార్థులు ఈ పరీక్ష రాశారు. భారత్ నుంచి ముగ్గురు విద్యార్థులు ఎన్నికయ్యారు. అందులో గుంటూరు భాష్యం ఐఐటీ ఫౌండేషన్ అకాడమీ విద్యార్థిని సాయి పూజిత ఉంది. ఈ సందర్భంగా భాష్యం విద్యాసంస్థల డైరెక్టర్ ఆశాలత సాయి పూజితను సత్కరించారు. దేశానికి మంచి పేరు తెచ్చిందని కొనియాడారు. పరీక్షలో అత్యుత్తమ ప్రదర్శన కనబరచడంతో నాసా సందర్శనకు సాయి పూజిత ఎన్నికైనట్లు తెలిపారు భాష్యం విద్యాసంస్థల డైరెక్టర్ ఆశాలత. సాయి పూజిత సెప్టెంబర్ 30న నాసా సందర్శనకు వెళ్లనున్నట్లు తెలిపారు
|
|