నాతో ఆ హిట్టర్ని పోల్చకండి: యువరాజ్ సింగ్
national | Suryaa Desk | Published : Thu, Nov 07, 2019, 02:04 PM
భారత టీ20 జట్టులోకి భారీ అంచనాల నడుమ అరంగేట్రం చేసిన పవర్ హిట్టర్ శివమ్ దూబే తొలి మ్యాచ్లోనే నిరాశపరిచాడు. బంగ్లాదేశ్తో గత ఆదివారం ముగిసిన తొలి టీ20 మ్యాచ్లో స్పిన్నర్ ఆపిప్ బౌలింగ్లో బంతిని ముందుకు ఫుష్ చేయబోయిన శివమ్ దూబే (1: 4 బంతుల్లో) బంతి లీడింగ్ ఎడ్జ్ తీసుకోవడంతో బౌలర్కే క్యాచ్ ఇచ్చి ఔటయ్యాడు. గాయపడిన ఆల్రౌండర్ హార్దిక్ పాండ్య స్థానంలో ఈ యువ హిట్టర్కి జట్టులో సెలక్టర్లు చోటిచ్చిన విషయం తెలిసిందే. ఇక రెండో టీ20 మ్యాచ్ రాజ్కోట్ వేదికగా గురువారం రాత్రి జరగనుంది.
దేశవాళీ క్రికెట్లో ముంబయి తరఫున ఆడి సిక్సర్ల మోత మోగించిన శివమ్ దూబే.. బరోడాతో జరిగిన ఓ మ్యాచ్లో వరుసగా 6, 6, 6, 6, 6 బాదేసి వెలుగులోకి వచ్చాడు. అతని హిట్టింగ్ చూసిన అభిమానులు.. భారత్కి మరో యువరాజ్ సింగ్ దొరికేశాడంటూ మురిసిపోయారు. తొలి టీ20 ముందు కూడా ప్రాక్టీస్ సెషన్లో అతను అచ్చం యువీలానే షాట్స్ ఆడటం కనిపించింది.
శివమ్ దూబేని తనతో పోల్చడంపై యువరాజ్ సింగ్ స్పందించాడు. ‘అతడ్ని ఫస్ట్ సాఫీగా కెరీర్ స్టార్ట్ చేయనివ్వండి. రెగ్యులర్గా మ్యాచ్లు ఆడుతూ ఓ స్థాయికి వెళ్లిన తర్వాత అప్పుడు కావాలంటే వేరొక ఆటగాడితో పోలికలు తీసుకురావొచ్చు. అయినా.. అతడ్ని నాతో పోల్చకండి. అతనికంటూ ఓ పేరు, ప్రతిభ ఉన్నాయి. శివమ్ దూబే బ్యాటింగ్లో కొన్ని మార్పులు చేసుకోవాల్సి ఉంది. ఆ లోపాల్ని టీమిండియా మేనేజ్మెంట్ గుర్తించిందో లేదో నాకు తెలీదు. కానీ.. బ్యాటింగ్ కోచ్ విక్రమ్ రాథోడ్ మాత్రం వాటిపై దృష్టి సారించాలి’ అని యువరాజ్ సింగ్ సూచించాడు.
|
|