9 ఏళ్ల బాలికపై లైంగిక దాడి

దేశవ్యాప్తంగా మహిళలు, బాలికలపై అత్యాచారాలకు అడ్డులేకుండా పోయింది. నిత్యం ఏదో ఒక చోట ఈ అఘాయిత్యాలు జరుగుతూనే ఉన్నాయి. నెలల చిన్నారుల నుంచి కాటికి కాళ్లు చాపుకున్న వృద్ధుల వరకు ఎవరినీ వదలడం లేదు. న్యాయ వ్యవస్థలో ఆడపిల్లలని రక్షించేందుకు ఎన్ని చట్టాలు వచ్చినా వారికి మాత్రం రక్షణ కరువైంది. తాజాగా తమిళనాడులోని ఈరోడ్ జిల్లా గోపిచెట్టి పాళయం సమీపంలోని కూగలూర్ ప్రాంతంలో కూలీ కార్మికుడి కూతురిపై ఇద్దరు కామాంధులు సామూహిక అత్యాచారానికి పాల్పడ్డారు. తండ్రి తాగుబోతు అని తెలిసి మద్యం ఎరగా వేసి తొమ్మిదో తరగతి చదువుతున్న విద్యార్థినిపై లైంగిక దాడికి పాల్పడ్డారు. ఈ ఘటన శుక్రవారం వెలుగులోకి వచ్చింది.

కూగలూర్ ప్రాంతానికి చెందిన కూలీ కార్మికుడు కుమార్ భార్య బేబికి తొమ్మిది ఏళ్ల కుమార్తె.. ఐదేళ్ల కుమారుడు ఉన్నారు. భర్త కుమార్ తో గొడవ పెట్టుకుని తన ఇద్దరు పిల్లలను కుమార్ వద్దే వదిలి తల్లిగారి ఇంటికి వెళ్లిపోయింది బెబీ. కుమార్తె, కుమారుడితో ఉంటున్న కుమార్ మద్యానికి బానిసయ్యాడు. ఇద్దరు పిల్లలు ఇరుగుపొరుగు వాళ్లు పెట్టే తిండి తింటూ.. సమీపంలోని జాతీయ బాలకార్మికుల నిర్మూల శిక్షణ కేంద్రంలో చుదువుకుంటున్నారు. కుమార్ కూతురు ఎప్పటిలాగానే గురువారం పాఠశాలకు వెళ్లింది. ఆకస్మాత్తుగా ఆమెకు తీవ్ర కడుపు నొప్పి ఏర్పడడంతో పాఠశాల నిర్వాహకులు ఆస్పత్రికి తరలించారు. బాలికను పరీక్షించిన వైద్యులు బాలికపై లైంగిక దాడి జరిగినట్లు తెలిపారు. విషయం తెలుసుకున్న బాలిక బంధువులు పోలీసులకు ఫిర్యాదు చేయడంతో పోలీసులు కేసు నమోదు చేసి విచారణ చేపట్టారు.

అయితే బాలిక తండ్రికి ఇంటికి సమీపంలో ఉన్న అరుణాచలం, మయిల్ స్వామి మద్యం కోసం డబ్బులిచ్చేవారని.. తండ్రికి మద్యం ఎరవేసి అతని కుమార్తె పై సామూహికంగా లైంగిక దాడికి పాల్పడేవారిని పోలీసులు తెలిపారు. బుధవారం రాత్రి కూడా ఆ బాలికపై అరుణాచలం, మయిల్ స్వామి లైంగిక దాడికి పాల్పడ్డారని పోలీసులు తెలిపారు. ఈ కేసులో ఇద్దరు నిందితుల్లో ఒక నిందితుడు అరుణాచలంను పోలీసులు అరెస్ట్ చేశారు. పరారీలో ఉన్న మయిల్ స్వామి, బాలిక తండ్రి కుమార్ కోసం గాలిస్తున్నారు. ఈ విషయంపై గ్రామస్థులు తీవ్ర ఆగ్రహం వ్యక్తం చేస్తూ... మయిల్ స్వామి ఇంటిని ముట్టడించి ఇంట్లో ఉన్న వస్తువులను ధ్వంసం చేశారు.