ఇండియా- ఆసిస్ వన్డే సిరీస్ జట్టు ఇది
national | Suryaa Desk | Published : Tue, Dec 24, 2019, 08:14 PM
జనవరి 14 నుంచి భారత్ జనవరిలో ఆస్ట్రేలియాతో మూడు వన్డేల సిరీస్ ప్రారంభంకానుండగా.. తొలి వన్డే మ్యాచ్ ముంబయిలోని వాంఖడే స్టేడియం వేదికగా జరగనుంది. ఆ తర్వాత 17న రాజ్కోట్లో రెండో వన్డే, ఆఖరిగా 19న బెంగళూరులో చివరి వన్డేతో ఈ సిరీస్ ముగుస్తుంది. ఆస్ట్రేలియాతో వన్డే సిరీస్ కోసం ఇప్పటికే భారత్ జట్టుని సెలక్టర్లు ప్రకటించారు. ఆల్రౌండర్ హార్దిక్ పాండ్యా ఫిట్నెస్ సాధించలేకపోవడంతో అతని స్థానంలో శివమ్ దూబేకి మళ్లీ అవకాశం దక్కింది. అలానే ఫాస్ట్ బౌలర్లు శార్ధూల్ ఠాకూర్, నవదీప్ షైనీకి మరోసారి సెలక్టర్లు ఛాన్స్ ఇవ్వగా.. కేదార్ జాదవ్కి కూడా ఆఖరి అవకాశాన్ని ఇచ్చినట్లు తెలుస్తోంది.
భారత వన్డే జట్టు: విరాట్ కోహ్లీ (కెప్టెన్), రోహిత్ శర్మ (వైస్ కెప్టెన్), శిఖర్ ధావన్, శ్రేయాస్ అయ్యర్, మనీశ్ పాండే, కేదార్ జాదవ్, శివమ్ దూబే, రవీంద్ర జడేజా, కేఎల్ రాహుల్, రిషబ్ పంత్ (వికెట్ కీపర్), చాహల్, కుల్దీప్ యాదవ్, నవదీప్ షైనీ, జస్ప్రీత్ బుమ్రా, శార్ధూల్ ఠాకూర్, మహ్మద్ షమీ
భారత్ జట్టులో రోహిత్, ధావన్, రాహుల్ రూపంలో ముగ్గురు ఓపెనర్లకి చోటు దక్కగా.. ఫాస్ట్ బౌలర్ జస్ప్రీత్ బుమ్రాతో కలిసి మహ్మద్ షమీ బంతిని పంచుకోనున్నాడు. చాలా రోజుల తర్వాత ఈ జోడీ మళ్లీ కలిసి బౌలింగ్ చేయబోతోంది. వెన్ను గాయం కారణంగా గత మూడు నెలలుగా క్రికెట్కి బుమ్రా దూరంగా ఉన్న విషయం తెలిసిందే.
|
|