ట్రెండింగ్
రాజ్యాంగ వ్యతిరేకమైన చర్యలను తీవ్రంగా ఖండిస్తున్నాము: టీడీపీ ఎమ్మెల్సీ
Andhra Pradesh Telugu | Suryaa Desk | Published : Wed, Jan 29, 2020, 07:03 PM
కార్యాలయాలకు ప్రభుత్వ రంగులపై టీడీపీ ఎమ్మెల్సీ రాజేంద్రప్రసాద్ తీవ్ర విమర్శలు చేశారు. జగన్ ప్రభుత్వం రాజ్యాంగ విరుద్ధంగా గ్రామ పంచాయతీలకు వైకాపా జెండా రంగులు వేయించిందని ఆయన మండిపడ్డారు. ప్రభుత్వ భవనాలకు రంగులు వేసే అధికారం వారికి ఎవరిచ్చారని ప్రశ్నించారు. ఈ అంశంపై ప్రభుత్వానికి హైకోర్టు మెుట్టికాయలు వేసిందని గుర్తుచేశారు. రంగులు చెరిపేందుకు అయ్యే ఖర్చును ముఖ్యమంత్రి జగన్ నుంచే వసూలు చేయాలని ఆయన డిమాండ్ చేశారు. రాజ్యాంగ వ్యతిరేకమైన చర్యలను తమ పార్టీ తీవ్రంగా ఖండిస్తుందని రాజేంద్రప్రసాద్ వ్యాఖ్యానించారు.
|
|