హీరో సుశాంత్ మరణం తట్టుకోలేక యువతి సూసైడ్
national | Suryaa Desk | Published : Wed, Jun 17, 2020, 04:45 PM
బాలీవుడ్ హీరో సుశాంత్ సింగ్ రాజ్పుత్ ఆత్మహత్య సంచలనం రేపిన విషయం తెలిసిందే. ఆయన మరణాన్ని తట్టుకోలేక రెండు రోజుల కిందట బీహార్లోని నలంద జిల్లాలో టెన్త్ విద్యార్థి ఆత్మహత్య చేసుకుంది. ఆ ఘటన మరువక ముందే బీహార్ రాజధాని పట్నాలో మరో యువతి సూసైడ్ చేసుకుంది. పట్నాలో రాజేంద్ర నగర్ ఏరియా రోడ్ నంబర్ 12లో నివాసముంటున్న యువతి(17) ఇంట్లో ఉరి వేసుకుని ఆత్మహత్య చేసుకుంది. గదిలో నుంచి యువతి బయటకు రాకపోవడంతో కుటుంబ సభ్యులు ఆమె సెల్ఫోన్కి కాల్ చేశారు. ఎంతసేపటికీ తీయకపోతుండడంతో అనుమానం వచ్చి ఆమె గది తలుపులు బద్దలు కొట్టి చూశారు. యువతి గదిలో ఉరికి వేలాడుతూ కనిపించడంతో షాక్కి గురైన కుటుంబ సభ్యులు వెంటనే ఆస్పత్రికి తరలించారు. అప్పటికే చనిపోయినట్లు వైద్యులు నిర్ధారించారు. హీరో సుశాంత్ మరణ వార్తలు, ఆయన సినిమాలు చూస్తూ డిప్రెషన్కి గురైనట్లు కుటుంబ సభ్యులు తెలిపారు. ఫోన్లో సుశాంత్ మరణానికి సంబంధించిన వార్తలు పదేపదే చూస్తూ బాధపడిందని, అయితే ఇంతటి అఘాయిత్యానికి ఒడిగడుతుందని ఊహించలేదంటూ కన్నీరుమున్నీరవుతున్నారు.
|
|