ఒంగోలులో మళ్లీ లాక్డౌన్
Andhra Pradesh Telugu | Suryaa Desk | Published : Fri, Jun 19, 2020, 02:05 PM
ఏపీలో కరోనా విజృంభిస్తోంది.. గత రెండు వారాలుగా పాజిటివ్ కేసుల సంఖ్య పెరుగుతోంది. గురువారం ఏకంగా 425 కేసులు నమోదు కావడంతో ఆందోళన మొదలైంది. కొన్ని జిల్లాల్లో కేసులు పెరగడంతో అధికారులు ముందస్తు జాగ్రత్తలు తీసుకుంటున్నారు. అయితే ప్రకాశం జిల్లా ఒంగోలులో లాక్ డౌన్ విధించినట్లు తెలుస్తోంది. ఒంగోలు కార్పొరేషన్ మొత్తం ఆదివారం నుంచి 14 రోజుల కంటైన్మెంట్ జోన్గా ప్రకటించమని అధికారులకు ఉత్తర్వులు జిల్లా కలెక్టర్ పోల భాస్కర్ ఉత్తర్వులు జారీ చేశారు. ఆదివారం నుంచి నిబంధనలు అమలులోకి రానున్నాయి.
శుక్రవారం జిల్లాలో 38 కేసులు నమోదయ్యాయి.. మొత్తం కేసులు 268కు చేరాయి. 38 కేసుల్లో ఎక్కువ ఒంగోలు, చీరాలలో నమోదయ్యాయి. ఒంగోలులో కూడా రెండు, మూడు రోజులుగా పెరిగాయి.. నగరంలో మొత్తం కేసులు 67కి చేరాయి. వీరిలో 34 మంది కొలుకుని డిశ్చార్జ్కాగా.. 33 మంది ఆస్పత్రిలో చికిత్స పొందుతున్నారు. చీరాలలో కూడా కేసులు పెరగడంతో ఆందోళన వ్యక్తమవుతోంది.
ఇదిలా ఉంటే గత నెలలో ప్రకాశం జిల్లాలో పాజిటివ్ కేసులన్నీ నెగిటివ్ రాగా.. అందరు డిశ్చార్జి కావడంతో ప్రజలు, అధికారులు ఊపిరి పీల్చుకున్నారు.. మళ్లీ కొద్ది రోజులకే మళ్లీ కేసులు నమోదయ్యాయి. అయితే ఉన్నట్టుండి ఒంగోలులో కేసులు పెరగడం ఆందోళన కలిగిస్తోంది.
|
|