అయోధ్య రామాలయానికి కాంగ్రెస్ ఎమ్మెల్యే విరాళం
national | Suryaa Desk | Published : Wed, Feb 10, 2021, 11:23 AM
అయోధ్యలో రామాలయం ఏర్పాటుకు సన్నాహాలు జరుగుతున్నాయి. గతేడాది ప్రధాని మోడీ రామాలయ నిర్మాణం కోసం భూమి పూజను నిర్వహించారు. కాగా, ఆలయ నిర్మాణంలో దేశంలోని ప్రజలందరినీ భాగస్వామ్యం చేయాలనే ఉద్దేశ్యంతో ఆలయ నిర్మాణం కోసం నిధులను సేకరిస్తున్నారు. ఆర్ఎస్ఎస్, విశ్వహిందు పరిషత్, అయోధ్య రామాలయ ట్రస్ట్ లు విరాళాలను సేకరిస్తున్నాయి. ఇందులో భాగంగా దేశంలోని అనేకమంది ప్రజలు విరాళాలు అందిస్తున్నారు. జనవరి 15 నుంచి ఫిబ్రవరి 27 వ తేదీ వరకు ఈ విరాళాల సేకరణ ఉంటుంది. ఇక విరాళాల సేకరణను కొన్ని పార్టీలు వ్యతిరేకిస్తున్న సంగతి తెలిసిందే. ఇక ఇదిలా ఉంటె, ఉత్తరప్రదేశ్ లోని రాయ్ బరేలి కి చెందిన కాంగ్రెస్ పార్టీ ఎమ్మెల్యే అదితి సింగ్ రామాలయం నిర్మాణం కోసం రూ.51 లక్షల రూపాయలను విరాళంగా అందించారు. తన టీమ్, కాంగ్రెస్ పార్టీ కార్యకర్తల తరపున ఈ విరాళం అందజేసినట్టు ఆమె పేర్కొన్నారు.
|
|