ఫేసుబుక్ గూటికి టాప్ ఎగ్జిక్యూటివ్
Andhra Pradesh Telugu | Suryaa Desk | Published : Wed, Jul 19, 2017, 09:33 AM
న్యూయార్క్: ఉబెర్ మాజీ టాప్ ఎగ్జిక్యూటివ్ ఒకరు ఫేస్ బుక్ గూటికి చేరారు. ఉబెర్ మాజీ పీఆర్ చీఫ్ రాచెల్ వెట్స్టోన్ను ఫేస్బుక్ ఉపాధ్యక్షులుగా నియమించుకుంది. ది గార్డియన్ మంగళవారం అందించిన నివేదిక ప్రకారం ఉబెర్లో మాజీ ఉన్నత ప్రజా సంబంధాల అధికారిగా ఉన్న రాచెల్ను సోషల్ మీడియా దిగ్గజం ఇన్స్టాగ్రామ్, వాట్స్అప్ , మెసెంజర్కు కమ్యూనికేషన్ల వైస్ ప్రెసిడెంట్గా చేరినట్లు ఫేస్బుక్ ప్రకటించింది.
ఫేస్బుక్ ఫ్యామిలీలో చేరడం తనకు గౌరవమని వెట్స్టోన్ సంతోషం వ్యక్తం చేశారు. తన సొంత కుటుంబం, స్నేహితులతో సన్నిహితంగా ఉండటం సులభమైందని తద్వారా వాట్సాప్ తన జీవితంలో ఒక ముఖ్యమైన భాగంగా మారిందనీ ఒక ప్రకటనలో తెలిపారు.
ఇప్పటికే ప్రపంచ స్థాయి జట్టును లీడ్ చేసి రాచెల్నుంచి ప్రపంచంలోని అత్యంత ఆసక్తికరమైన సమాచార అవకాశాలను నిర్వహించడానికి తాము మరిన్ని విషయాలను తెలుసుకోవడానికి సంతోషిస్తున్నామని వైస్ ప్రెసిడెంట్ (గ్లోబల్ కమ్యూనికేషన్స్) కారిన్ మారోనీ అన్నారు.
బ్రిటన్ అత్యంత శక్తివంతమైన కన్జర్వేటివ్ రాజకీయ నాయకులకు పనిచేసిన వెట్ స్టోన్ కార్పొరేట్ కుంభకోణం ఆరోపణల నేపథ్యంలో ఏప్రిల్లో ఉబెర్కు రాజీనామా చేశారు. అంతకు ముందు గూగుల్ కమ్యూనికేషన్స్ అండ్ పబ్లిక్ పాలసీ హెడ్గా పనిచేశారు. అంతేకాదు ఆమె డేవిడ్ కామెరాన్ , జార్జ్ ఒస్బోర్న్ లకు స్నేహితురాలు. అలాగే హోవార్డ్కి రాజకీయ కార్యదర్శిగా టోనీ బ్లెయిర్ లేబర్ ప్రభుత్వానికి వ్యతిరేకంగా కన్జర్వేటివ్ రాజకీయాలలో ప్రధాన పాత్ర పోషించారు.
|
|