బ్లాక్ బాక్స్ కోసం కొనసాగుతోన్న సెర్చ్ ఆపరేషన్
national | Suryaa Desk | Published : Thu, Dec 09, 2021, 01:00 PM
ఇండియన్ ఆర్మీకి చెందిన ఎంఐ-17వీ5 హెలికాప్టర్ కూలిన ప్రాంతంలో బ్లాక్బాక్స్ కోసం అధికారులు సెర్చ్ ఆపరేషన్ మొదలు పెట్టారు. వింగ్ కమాండర్ భరద్వాజ్ ఆధ్వర్యంలో బ్లాక్ బాక్స్ సెర్చింగ్ ఆపరేషన్ కొనసాగుతోంది. విమానం, హెలికాప్టర్ల ప్రమాదం జరిగేకంటే కనీసం రెండు గంటల ముందు ఏం జరిగిందన్న వివరాలను ఈ బ్లాక్బాక్స్ స్టోర్ చేసుకుంటుంది. ప్రమాదానికి ముందు కాక్ పిట్ లో ఎలాంటి కన్వర్జేషన్ జరిగింది, అసలు ప్రమాదానికి గల కారణాలేంటి అనేది బ్లాక్ బాక్స్ లో లభించే సమాచారం ద్వారా విశ్లేషిస్తారు. బ్లాక్ బాక్స్ అనేది నిజానికి బ్రైట్ ఆరెంజ్ కలర్ లో ఉంటుంది. రెండో ప్రపంచ యుద్ధ సమయంలో శత్రువులు ఈ పరికరాన్ని గుర్తించకుండా బ్రిటిష్ సైన్యం ఈ పరికరాన్ని బ్లాక్ కలర్ లో రూపొందించారు. ఆ తర్వాతి కాలంలో ప్రమాదానికి గురైన సమయంలో శకలాల మధ్య స్పష్టంగా కనిపించే వీలుగా దీన్ని ఆరెంజ్ కలర్ లో తయారు చేస్తున్నారు.
|
|