జరిమానాల కింద ఏకంగా కోటిన్నర వచ్చిందటా

ఢిల్లీలో కోవిడ్ కేసులతో పాటు ఒమిక్రాన్ కేసులు భారీగా పెరుగుతున్నాయి. ఢిల్లీలో ప్రస్తుతం క్రియాశీల కేసుల సంఖ్య పెరిగింది. దీంతో అక్కడ ఆంక్షలను కఠినతరం  చేశారు. ప్రజలు కూడా అంతే నిర్లక్ష్యంగా వ్యవహరిస్తున్నారన్నది అక్కడి జరిమానాల ద్వారా వసూలు  చేసిన మొత్తంతో తెలుస్తోంది. ఇదిలావుంటే

ఒమిక్రాన్ వేరియంట్ వ్యాప్తిని కట్టడి చేయడానికి కేంద్ర, రాష్ట్ర ప్రభుత్వాలు ప్రయత్నిస్తున్నాయి. కేసులు సంఖ్య పెరగకుండా ఉండేందుకు ఆంక్షల అస్త్రాలను సంధిస్తున్నాయి. కొన్ని రాష్ట్రాల్లో నైట్ కర్ఫ్యూ అమలు చేస్తున్నారు. వేడుకలపైనా నిషేధం విధించాయి. నిబంధనలు పాటించని వారిపై జరిమానాలు విధిస్తున్నాయి. అలా ఢిల్లీలో నిబంధనలను ఉల్లంఘించిన వారి నుంచి కోట్లలో జరిమానా వసూలైంది. అది కూడా ఈ నెల 22, 23 తేదీల్లో ఎక్కువగా జరిమానాలు వసూలు చేసినట్టు అక్కడి అక్కడి అధికారులు వెల్లడించారు.  కోవిడ్ నిబంధనలు పాటించని వారి నుంచి జరిమానా రూపంలో రూ.1.5 కోట్లు వసూలు చేసినట్టు ఢిల్లీ అధికారులు తెలిపారు. నిబంధనలు ఉల్లంఘించిన 7778 మందిని పట్టుకున్నామని చెప్పారు. వీరంతా మాస్క్ ధరించకపోవడం, భౌతిక దూరం పాటించకపోవడం వంటి కోవిడ్ నిబంధనలను ఉల్లఘించారన్నారు. 163 ఎఫ్‌ఐఆర్‌లు నమోదు చేసినట్టు చెప్పారు. ఉత్తర ఢిల్లీ, తూర్పు ఢిల్లీ ప్రాంతాలలో నిబంధనల ఉల్లంఘన ఎక్కువగా ఉంది. ఢిల్లీలోని 11 జిల్లాల్లో ఈస్ట్ ఢిల్లీ నుంచి 1245 మంది, ఉత్తర్ ఢిల్లీకి చెందిన 1446 మందిపై జరిమానాలు విధించారు. 

ఇక ఒమిక్రాన్ కేసులు కూడా అన్ని రాష్ట్రాల్లో పెరుగుతున్నాయి. ఒమిక్రాన్ కేసుల విషయంలో మహారాష్ట్రలో మొదటి స్థానంలో ఉంటే.. ఢిల్లీ రెండో స్థానంలో ఉంది. దాంతో రెండు రాష్ట్రాల్లో కఠిన ఆంక్షలను అమలవుతున్నాయి. ఇటు హర్యానా, యూపీ, కర్ణాటక నైట్ కర్ఫ్యూ విధిస్తు్నట్లు ప్రకటించాయి. రాత్రి 11 గంటల నుంచి ఉదయం 5 వరకూ కర్ఫ్యూ విధించడంతో పాటు, వేడుకలకు హజరయ్యే వారి సంఖ్యపైనా ఆంక్షలు విధించాయి. కేవలం 200 మంది మాత్రమే హాజరు కావాలనే నిబంధనను పెట్టాయి. దేశ వ్యాప్తంగా ఒమిక్రాన్ కేసుల సంఖ్య 422కు చేరింది.