కేంద్రం కీలక నిర్ణయం.. వృద్ధులకు గుడ్ న్యూస్
national | Suryaa Desk | Published : Tue, Dec 28, 2021, 06:45 PM
వృద్దులకు ప్రికాషన్ డోసు ఇచ్చే విషయంలో కేంద్ర ప్రభుత్వం కీలక నిర్ణయం తీసుకుంది. 60 ఏళ్లు పైబడి, ఇతర అనారోగ్య సమస్యలతో బాధపడుతున్న వ్యక్తులు ఈ డోసు తీసుకునే ముందు ఎలాంటి మెడికల్ సర్టిఫికేట్ అందించాల్సిన అవసరం లేదని కేంద్రం వెల్లడించింది. అయితే టీకా తీసుకునే ముందు వృద్ధులు తప్పనిసరిగా డాక్టర్ ని సంప్రదించాలి. అలాగే త్వరలో అసెంబ్లీ ఎన్నికలకు వెళ్లనున్న రాష్ట్రాల్లో ఎన్నికల విధులు నిర్వర్తించనున్న సిబ్బందిని కేంద్రం ఫ్రంట్లైన్ వర్కర్లుగా గుర్తించనున్నట్లు ఆరోగ్య శాఖ తెలిపింది.
ఒమిక్రాన్ కేసులు పెరుగుతున్న నేపథ్యంలో ఆరోగ్య సిబ్బంది, ఫ్రంట్లైన్ వర్కర్లు, 60 ఏళ్లు దాటి ఇతరత్రా అనారోగ్య సమస్యలతో బాధపడుతున్న వారికి జనవరి 10 నుంచి ప్రికాషన్ డోసు అందించనున్నట్లు ఇటీవల ప్రధాని మోదీ ప్రకటించారు. రెండో డోసు తీసుకున్న 9 నెలలు లేదా 39 వారాలు దాటిన తర్వాతే ఈ ప్రికాషన్ డోసు వేసుకోవడానికి అర్హత లభిస్తుంది. అలాగే 15 నుంచి 18 ఏళ్ల వయస్సు వారికి జనవరి 3వ తేదీ నుంచి వ్యాక్సిన్ వేయనున్నారు.
|
|