ట్రెండింగ్
ఇరువర్గాల మధ్య ఘర్షణ.. కేసు నమోదు
Andhra Pradesh Telugu | Suryaa Desk | Published : Wed, Dec 29, 2021, 09:26 AM
నెల్లూరు: నూడిల్స్ షాపు వద్ద అల్పాహారం తినేందుకు వచ్చిన కస్టమర్స్, దుకాణా నిర్వహకులు గొడవ పడి ఘర్షణకు దిగడంతో ఇరువర్గాలపై బాలాజీనగర్ పోలీసులు మంగళవారం కేసు నమోదు చేశారు. పోలీసుల సమాచారం మేరకు ముత్యాలపాళెం ప్రాంతానికి చెందిన నవీన్ తన ఇద్దరు స్నేహితులతో కలిసి శ్రీహరినగర్ లో ఉన్న న్యూడిల్స్ షాపుకు వెళ్లి న్యూడిల్స్, చికెన్ ఫ్రైడ్ రైస్ ఆర్డర్ ఇచ్చారు. అయితే ఆ పదార్ధాలు సరిగా లేవని నవీన్, అతని స్నేహితులు మాస్టర్ తో గొడవ పడ్డారు. దీంతో నవీన్, అతని స్నేహితులు, హొటల్ నిర్వహకులు ఘర్షణకు దిగి ఒకరిపై ఒకరు దాడి చేసుకున్నారు. ఇరువర్గాల ఫిర్యాదు మేరకు బాలాజీ నగర్ ఎస్ఐ బోజ్యా నాయక్ ఇరువర్గాలపై కేసులు నమోదు చేసి దర్యాప్తు చేస్తున్నారు.
|
|