ట్రెండింగ్
మానవత్వం చాటుకున్న 108 సిబ్బంది
Andhra Pradesh Telugu | Suryaa Desk | Published : Thu, Dec 30, 2021, 09:32 AM
విజయనగరం జిల్లా లో 108 సిబ్బంది మానవత్వం చాటుకున్నారు. కొమరాడ మండలంలోని సొలపదం పంచాయతీ ఒడిస్సా సరిహద్దు ప్రాంతమైన వనదర గ్రామంలో గల చామంతి అనే ఓ గర్భిణికి పురిటి నొప్పులు మెుదలయ్యాయి. ఆమె భర్త 108 కు ఫోన్ చేయటంతో నాగావళి నది దాటి ఆ గ్రామానికి వెళ్ళాలి. ఆ గ్రామానికి సరైన రహదారి వసతులు లేక అంబులెన్స్ నది అవతల గల వత్తాడ గ్రామం వరకే వచ్చింది. వీరి గ్రామం నాగావళి నదికి అవతలి వైపున ఉండటంతో బంధువుల సాయంతో 108 సిబ్బంది గర్భణిని నది దాటించారు. అనంతరం వత్తాడలో గల 108 వాహనం ఎక్కించి పార్వతీపురం ఏరియా ఆసుపత్రికి తరలించారు. 108 సిబ్బంది అవకాశం లేదని విధులనుండి తప్పించుకోకుండా ప్రాణాలకు తెగించి రోగిని కాపాడటానికి పనిచేశారు. దాంతో 108 సిబ్బందిని కుటుంబ సభ్యులు, గ్రామస్థులు అభినందించారు.
|
|