ట్రెండింగ్
న్యూఇయర్ పార్టీ కోసం మేకల్ని దొంగలించిన పోలీస్
Andhra Pradesh Telugu | Suryaa Desk | Published : Sun, Jan 02, 2022, 09:57 AM
న్యూ ఇయర్ వేడుకల కోసం ఓ పోలీస్ మేకలను దొంగతనం చేశాడు. ఒడిశా బాలంగిర్ జిల్లాలోని సింధేకాలా పోలీస్ స్టేషన్లో అసిస్టెంట్ సబ్-ఇన్స్పెక్టర్గా పనిచేస్తున్న సుమన్ మల్లిక్ ఈ పని చేశాడు. న్యూ ఇయర్ పార్టీ కోసం రెండు మేకలను దొంగిలించి తన సహచరులతో పార్టీ చేసుకునేందుకు వాటిని వధించడం ప్రారంభించాడు. ఇంతలో తన మేకలు కనిపించడం లేదని మేకల యజమాని సంకీర్తన గురు స్టేషన్ కు వెళ్లగా అసలు విషయం తెలిసింది. తన జంతువులను వధించొద్దని పోలీసులను బతిమిలాడాడు. అతడిని బెదిరించిన సుమన్ మల్లిక్ వాటిని వధించి తన సహచరులతో కలిసి పార్టీ చేసుకున్నాడు. ఈ ఘటనపై స్థానికుల నుండి తీవ్ర స్థాయిలో ఆందోళన వ్యక్తం అయింది. ఈ వ్యవహారంపై బాలంగిర్ ఎస్పీ ఆగ్రహం వ్యక్తం చేశారు. బెదిరింపులకు పాల్పడి మేకలను దొంగిలించిన సుమన్ మల్లిక్ సస్పెండ్ చేశారు.
|
|