ట్రెండింగ్
అమెరికాలో ఘోర రోడ్డు ప్రమాదం.. తొమ్మిది మంది మృతి
international | Suryaa Desk | Published : Mon, Jan 31, 2022, 12:40 PM
అమెరికాలోని నెవడా రాష్ట్రంలో ఘోర రోడ్డు ప్రమాదం సంభవించింది. ఒకేసారి ఆరు వాహనాలు ఢీకొన్నాయి.ఈ ఘటనలో తొమ్మిది మంది మృతి చెందారు. మరొకరికి తీవ్ర గాయాలయ్యాయి.అమెరికాలో నెవాడా రాష్ట్రం లాస్ వెగాస్లో ఆరు వాహనాలు ఒకదానికి ఒకటి ఢీకొన్నాయి. ఈ ఘటనలో తొమ్మిది మంది ప్రాణాలు కోల్పోగా..మరొకరికి తీవ్ర గాయాలయ్యాయి. ఆ బాధితుడి పరిస్థితి విషమంగా ఉన్నట్లు అధికారులు తెలిపారు.స్థానిక కాలమానం ప్రకారం.. శనివారం మధ్యాహ్నం 3 గంటలకు జరిగిన ఈ ప్రమాదంలో 15 మంది చిక్కుకున్నారు. అతివేగంగా వెళ్తున్న కారు అదుపు తప్పి మరో వాహనాన్ని ఢీకొట్టడమే ఈ ఘటనకు కారణమని నార్త్ లాస్ వెగాస్ పోలీసు అధికారి అలెగ్జాండర్ క్యూవాస్ తెలిపారు. మరణించినవారంతా యుక్త వయస్సువారేనని తెలిపారు.
|
|