రాష్ట్ర ప్రజలకు పోలీసులు బంపరాఫర్
Andhra Pradesh Telugu | Suryaa Desk | Published : Wed, Feb 09, 2022, 08:22 AM
ఏపీ ప్రభుత్వం తీసుకొచ్చిన దిశ యాప్ను విస్తృతం చేసేందుకు అక్కడి పోలీసులు కృషి చేస్తున్నారు. బాలికలు, మహిళలకు ఆపద సమయంలో సత్వర సాయం అందించేందుకు ఆ రాష్ట్ర సర్కారు దిశ పేరిట యాప్ను తీసుకొచ్చిన విషయం తెలిసిందే. ఈ క్రమంలో ప్రకాశం జిల్లా ఎస్పీ మల్లిక గార్గ్ ఓ అడుగు ముందుకేశారు. మహిళలల్లో దిశ యాప్పై అవగాాహన చేపట్టేందుకు, మరింత మందికి దీనిని చేరవేసేందుకు వినూత్న చర్యలు తీసుకున్నారు. మహిళలకు దిశ యాప్ లక్కీ డ్రా కాంటెస్ట్ను నిర్వహించారు. ఇందులో గెలిచిన వారికి బహుమతులు అందజేశారు. 21 మంది మహిళలు, విద్యార్థినులకు ఆమె స్వయంగా మంగళవారం తన కార్యాలయంలో గిఫ్ట్లు ఇచ్చి, అభినందించారు.
కార్యక్రమంలో మార్కాపురానికి చెందిన మహిళా పోలీస్ జయ కమలను ప్రత్యేకంగా అభినందించారు. ఆమె వారం వ్యవధిలో 459 మంది మహిళలతో దిశ యాప్ను డౌన్ లోడ్ చేయించింది. ఆమెకు బహుమతితో పాటు ప్రశంసాపత్రాన్నిచ్చి ఆమె కృషిని కొనియాడారు. ఎస్పీ చేపట్టిన ఈ వినూత్న కార్యక్రమంతో గత వారంలో దిశ యాప్ డౌన్ లోడ్స్లో ప్రకాశం జిల్లా ఫస్ట్ ప్లేస్లో నిలిచింది. ఆ జిల్లాలో 13,945 మహిళలు కొత్తగా దిశ యాప్ను తమ ఫోన్లలో డౌన్ లోడ్ చేసుకున్నారు.
|
|