ట్రెండింగ్
కొండ చరియల్లో చిక్కుకుపోయిన యువకుణ్ని రక్షించేందుకు సహాయక బృందాలు
national | Suryaa Desk | Published : Wed, Feb 09, 2022, 10:50 AM
కేరళలోని పాలక్కాడ్ సమీపంలో ఉన్న మలప్పుజ ప్రాంతంలో కొండ చరియల్లో చిక్కుకుపోయిన యువకుణ్ని రక్షించేందుకు సహాయక బృందాలు శ్రమిస్తున్నాయి. 23ఏళ్ల బాబు అనే యువకుడు.. సోమవారం మరో ఇద్దరు మిత్రులతో కలిసి కొండ శిఖరం ఎక్కే ప్రయత్నం చేశాడు. ఈ ప్రయత్నాన్ని ఇద్దరూ స్నేహితులు మధ్యలోనే విరమించుకున్నప్పటికీ బాబు విజయవంతంగా కొండశిఖరం చేరుకున్నాడు. అయితే ఉన్నట్టుండి కిందకు జారి కొండచీలిక మధ్యలో ఇరుక్కుపోయాడు. గత రెండు రోజులుగా ఇతనికి తిండీనీళ్లు లేవు. సహాయక బృందం ఎన్ని ప్రయత్నాలు చేసినా యువకుడి దాకా చేరలేకపోతోంది. రెండు ఎన్ డీఆర్ఎఫ్ బృందాలు తీరప్రాంత రక్షక దళ హెలికాఫ్టర్ యువకుణ్ని కాపాడే చర్యల్లో నిమగ్నమై ఉన్నాయి. బాబును కాపాడేందుకు సీఎం పినరయి విజయన్ సైన్యం సాయం కోరగా.....ఆర్మీ సైతం రంగంలోకి దిగి సహాయక చర్యల్లో పాల్గొంటోంది..
|
|