14 న పీఎస్ఎల్వీ సీ-52 ప్రయోగం
Andhra Pradesh Telugu | Suryaa Desk | Published : Wed, Feb 09, 2022, 01:29 PM
సతీశ్ థావన్ స్పేస్ సెంటర్ షార్ నుంచి ఈ ఏడాది మొదటి రాకెట్ ప్రయోగించేందుకు శాస్త్రవేత్తలు అన్ని ఏర్పాట్లు పూర్తి చేశారు. ఈ నెల 14వ తేదీ ఉదయం 5. 30 గంటలకు మొదటి ప్రయోగవేదిక నుంచి నింగిలోకి పోలార్ శాటిలైట్ లాంచ్ వెహికల్- సీ 52 (పీఎస్ఎల్వీ) వాహక నౌక దూసుకుపోనుంది. పీఎస్ఎల్వీ-సి52 ఆర్ఐశాట్-11(ఈవోఎస్-01)తోపాటు ఐఎస్ఎస్-2టీడీ, విద్యార్థులు రూపకల్పన చేసిన ఇన్ స్పైర్ శాట్-1 ఉపగ్రహాలను మోసుకెళ్లనుంది.
ఇప్పటికే వాహక నౌక అనుసంధానం పూర్తి కావచ్చింది. నాలుగు దశల అనుసంధానం పూర్తి చేసి. బుధవారం శిఖర భాగాన ఉష్ణకవచం (షీట్ షీల్డ్) అమరిక పూర్తి కానుంది. అనంతరం వివిధ పరీక్షలు జరిపి రిహార్సల్స్, ప్రీ కౌంట్ డౌన్ నిర్వహించనున్నారు. ప్రయోగానికి ముందుగా నిర్వహించే కౌంట్ డౌన్ ప్రక్రియ ఈ నెల 18వ తేదీ వేకువజామున 4. 29 గంటలకు ప్రారంభం కానుంది. అది నిరంతరాయంగా 25. 30 గంటలు కొనసాగిన తర్వాత పీఎస్ఎల్వీ నింగిలోకి వెళ్లనుంది. రాకెట్ సన్నద్ధత, లాంచ్ ఆథరైజేషన్ సమావేశాలు ఈ నెల 12న జరగనున్నాయి.
|
|