సినీ పరిశ్రమకు మంచి రోజులు వస్తున్నాయి: చినరాజప్ప
Andhra Pradesh Telugu | Suryaa Desk | Published : Thu, Sep 28, 2017, 03:00 PM
సినీ పరిశ్రమకు మంచి రోజులు వస్తున్నాయని ఉప ముఖ్యమంత్రి నిమ్మకాయల చినరాజప్ప అన్నారు. బుధవారం పట్టణంలో పునః నిర్మించిన అడబాల థియేటర్స్ ప్రారంభ కార్యక్రమంలో ఆయన ముఖ్య అతిథిగా పాల్గొన్నారు. టీడీపీ అధికారంలో ఉన్నంతకాలం చిత్రపరిశ్రమకు ముఖ్యమంత్రి చంద్రబాబు నాయుడు అన్ని విధాల సహాయ సహకారాలు అందజేస్తారన్నారు. థియేటర్లు మూతపడే ఈ రోజుల్లో నూతనంగా ప్రారంభించడం అభినందనీయమని యాజమాన్యాన్ని కొనియాడారు. కార్యక్రమంలో రాజ్యసభ సభ్యురాలు తోట సీతారామలక్ష్మి, ఎమ్మెల్సీలు చిక్కాల రామచంద్రరావు, అంగర రామ్మోహ న్రావు, ఎమ్మెల్యేలు డాక్టర్ నిమ్మల రామానాయుడు, బండారు మాధవనాయుడు, వర్మ, మాజీ ఎమ్మెల్యేలు కొత్తపల్లి సుబ్బారాయుడు, బంగారు ఉషారాణి, కొత్తపల్లి జానకిరామ్, అల్లు వెంకట సత్యనారాయణ, మాజీ ఎమ్మెల్సీ మేకా శేషుబాబు, ఏఎంసీ చైర్మన్ గొట్టుము క్కల గాంధీభగవాన్రాజు, మున్సిపల్ చైర్మన్ వల్లభు నారాయణమూర్తి, వైస్ చైర్మన్ కర్నేన రోజారమణి, థియేటర్ యజమానులు అడబాల వెంకటరమణ, ఇసుకపల్లి సూరప్పరాజు, అడబాల శ్రీమన్నారాయణ, పలువురు కౌన్సిలర్లు, అభిమానులు పాల్గొన్నారు.
|
|