బడికి వెళ్తున్న చిన్నారిపై అత్యాచారం
Andhra Pradesh Telugu | Suryaa Desk | Published : Sat, Feb 26, 2022, 12:15 PM
చట్టాలెన్ని తీసుకొచ్చినా మహిళలపై అకృత్యాలు ఆగడం లేదు. కామంతో కొందరు కళ్లు మూసుకుపోయి, చిన్నారులపై అఘాయిత్యాలకు పాల్పడుతున్నారు. చాక్లెట్ ఇస్తామని ఆశ చూపి, ఏదైనా కొనిస్తామని ప్రలోభపెట్టి పక్కకు తీసుకెళ్తున్నారు. తమ పశువాంఛను తీర్చుకుని బెదిరిస్తున్నారు. తాజాగా ఇలాంటి ఘటనే జరిగింది. బడికి వెళ్లి వస్తున్న చిన్నారిపై ఓ దుర్మార్గుడు అత్యాచారం చేశాడు. దీనికి సంబంధించిన వివరాలిలా ఉన్నాయి.
కృష్ణా జిల్లా విజయవాడ గ్రామీణ మండలం నున్న గ్రామంలో భార్యాభర్తలు నివాసం ఉంటున్నారు. వీరికి ముగ్గురు పిల్లలున్నారు. ఏడేళ్ల వయసున్న రెండో కుమార్తె స్థానిక పాఠశాలలో రెండో తరగతి చదువుతోంది. ఎప్పటిలాగే శుక్రవారం పాఠశాలకు బాలిక వెళ్లింది. సాయంత్రం ఇంటికి వచ్చిన తన కుమార్తె నీరసంగా ఉండడం తల్లి గమనించింది. ఏమైందని అడగగా బాలిక భయంతో వణికిపోయింది. చివరికి అనిల్ అనే ఓ వ్యక్తి తన దుకాణానికి తీసుకెళ్లి తనను ఏమేం చేశాడో చెప్పి, ఏడ్చింది. ఇది విన్న బాలిక తల్లి హతాశురాలైంది. దారుణంపై వెంటనే పోలీసులకు ఫిర్యాదు చేసింది. నిందితుడు అనిల్పై పోలీసులు పోక్సో యాక్టు ప్రకారం కేసు నమోదు చేశారు.
|
|