ఉల్లిపాయను ఎక్కువగా వాడుతున్నారా....? ఐతే ఇది మీకోసమే
Andhra Pradesh Telugu | Suryaa Desk | Published : Thu, Mar 03, 2022, 04:16 PM
రోజురోజుకీ ఎండలు పెరిగిపోతున్నాయి. శరీరం చల్లదనాన్ని కోరుకుంటుంది. కూల్డ్రింక్స్ కన్నా చలవ చేసే పదార్ధాలను తినమంటారు పెద్దవాళ్ళు. శరీరానికి చలవ చేసే వాటిలో ముందుంటుంది ఉల్లిపాయ. ఉల్లి చేసే మేలు తల్లి కూడా చేయదంటారు. ఈ మాట అక్షరాలా నిజం. ఇందులో ఎన్నో ఔషధ గుణాలున్నాయి. దీనిలో ఉండే యాంటీ బాక్టీరియల్, యాంటీఫంగల్, యాంటీ ఇన్ఫ్లమ్మెటరీ గుణాలు మనల్ని ఎన్నో వ్యాధుల నుండి కాపాడతాయి. భారతీయ వంటలు ఉల్లిపాయ కోయటంతోనే మొదలవుతాయి. దానిలోని ఘాటుతనమే మన వంటలకు రుచిని తెచ్చిపెడుతుంది. కొంతమందైతే పచ్చి ఉల్లిపాయలనే తినేస్తుంటారు. ఆరోగ్యానికి ఎంతో మంచిదని ఉల్లిపాయలను ఎక్కువ తీసుకోవడం కూడా హానికరమే. ఏలాగో చూద్దాం రండి.ఉల్లిపాయలో అధిక మొత్తంలో ఫ్రక్టోజ్ ఉంటుంది. ఫ్రక్టోజ్ ను ఎక్కువ తీసుకోవడం వల్ల పుల్లటి తేన్పులు,గుండె మంట వస్తాయి. ఇందులో పొటాషియం ఎక్కువగా ఉంటుంది. దీనిని ఎక్కువగా తీసుకోవడం వల్ల కార్డియో లివర్ డామేజ్ జరిగే అవకాశం ఉంటుంది. విటమిన్ కె కూడా ఎక్కువగా ఉండటం వల్ల ఉల్లిపాయలను ఆహారంలో ఎక్కువగా తీసుకుంటే రక్తం పల్చబడుతుంది. అలాగే కొంతమంది ఉల్లిపాయలను ముందుగానే కోసి ఫ్రిడ్జ్ లో పెడుతుంటారు. ఇలా చేయటం వల్ల ఉల్లిపాయలోని పోషక స్థాయిలు తగ్గిపోయి వ్యాధికారక బాక్టీరియా పెరుగుదలకు,పాథోజెన్స్ ఏర్పడటానికి దారి తీస్తుంది.
|
|