చీరకట్టు అంటే ఎందుకు అలా చూసేవారు: మందిరా బేడి

చీరకట్టు అంటే మన దేశ సంప్రదాయం. కానీ నేడు ఆ చీరకట్టుకు నేడు లభిస్తున్న ప్రాధాన్యత ఏపాటిదో అందరికీ తెలుసు. ‘మందిరా బేడీ’ క్రికెట్ అభిమానులకు ఈ పేరు పరిచయమే. చక్కని చీర కట్టుతో, కట్టిపడేసే అందంతో క్రికెట్ వ్యాఖ్యాతగా ఆమె అందించిన సేవలు చాలా మందికి గుర్తు ఉన్నాయి. మ్యాచ్ కు ముందుగా తాను నిర్వహించే కార్యక్రమాల సందర్భంగా క్రికెటర్లు తనను తదేకంగా చూసేవారని ఆమె తాజాగా చెప్పారు. ఓ వార్తా సంస్థకు ఇచ్చిన ఇంటర్వ్యూ సందర్భంగా పాత సంగతులను ఆమె ఒకసారి గుర్తు చేశారు. క్రికెట్ టోర్నమెంట్ లకు కామెంటేటర్ గా వ్యహరించిన అతి కొద్ది మంది మహిళల్లో మందిరాబేడి ఒకరు. ఐసీసీ క్రికెట్ ప్రపంచ కప్ 2003, 2007, ఛాంపియన్ ట్రోఫీలు 2004, 2006, ఇండియన్ ప్రీమియర్ లీగ్ సీజన్ 2కు సోనీమ్యాక్స్ టీవీ తరఫున హోస్టింగ్ గా వ్యవహరించారు. ఐపీఎల్ 3 సీజన్ సమయంలో బ్రిటిష్ నెట్ వర్క్ కు చెందిన ఐటీవీకి సేవలు అందించారు. ‘‘నాతో కార్యక్రమం మొదలు పెట్టేందుకు ఎవరూ అనుమతించేవారు కాదు. నాకు ఎంతో మంది క్రికెటర్లు స్నేహితులుగా ఉన్నారు. అయినా వారు నన్ను ఆమోదించే వారు కాదు. చీర కట్టుకున్న ఓ మహిళ క్రికెట్ గురించి మాట్లాడడం వారు నచ్చేది కాదు. నన్ను ఏ విధమైన ప్రశ్నలు అడగనిచ్చేవారు కాదు. ఆ నిర్ధిష్ట సమయంలో మీ మనసులో ఏ ప్రశ్న తలెత్తితే దానినే అడగాలంటూ నాకు ఆదేశాలు ఉన్నాయి. అంత స్వేచ్ఛ నాకుంది. ఆమె ఏమి అడుగుతోంది, ఎందుకు అడుగుతోంది అన్నట్టుగా చాలా మంది క్రికెటర్లు తదేకంగా చూసేవారు. నా ప్రశ్నకు సంబంధం లేకుండా వారికి తోచిన సమాధానం ఇచ్చేవారు. అది నన్ను చాలా భయపెట్టేది. కానీ, ‘నిస్సంకోంచంగా ముందుకు వెళ్లండి. మీ తరహాలో మీరు ఉంటూ ఆస్వాదించండి’ అంటూ నాకు సోనీ చానల్ నుంచి అభయం ఉంది’’అని మందిరా బేడి తెలిపారు. దిల్ వాలే దుల్హానే లేజాయేంగే, బాదల్, షాదీకా లడ్డూ, దస్ కహానియాన్, మేరే బాయ్ నాటౌట్, ద తాష్కెంట్ ఫైల్స్ ఇలా ఎన్నో సినిమాల్లో మందిరాబేడి నటించారు.