వేసవిలో నీటి కొరత లేకుండా చూడాలి.. ఎంపీపీ
Andhra Pradesh Telugu | Suryaa Desk | Published : Sun, Mar 06, 2022, 04:12 PM
వేసవి కాలంలో మండలంలోని ప్రతి గ్రామంలో మంచినీటి కొరత లేకుండా అధికారులు చర్యలు తీసుకోవాలని మండల పరిషత్ అధ్యక్షుడు మత్తి దివాకర రత్నప్రసాద్ పేర్కొన్నారు. చెరుకుపల్లి మండల పరిషత్ కార్యాలయంలో శనివారం మండల సర్వసభ్య సమావేశం ఎంపీపీ అధ్యక్షతన నిర్వ హించారు. సమావేశంలో వివిధ శాఖల అధికారులు సర్వసభ్య సమావేశంలో ఇటీవల కాలంలో వారు చేసిన అభివృద్ధి పనులు, చేయాల్సిన పనులపై శాఖల వారీగా విడి విడిగా అడిగి తెలుసుకున్నారు. ఈ సందర్భంగా రత్నప్రసాద్ మాట్లాడుతూ మండలంలోని ప్రతి గ్రామంలో ముఖ్యమంత్రి వైఎస్ జగన్మోహన్ రెడ్డి ప్రజలకు అందిస్తున్న ప్రతి సంక్షేమ పథకాలు అర్హు లందరికీ చేరుతున్నాయా లేదా అని ప్రజా ప్రతినిధులు తెలుసుకోవాలన్నారు.
మండలంలోని కుంచ లవారిపాలెం, రాంబొట్లపాలెం, తుమ్మలపాలెం, కావూరు, ఆరుంబాక, తూర్పుపాలెం గ్రామాల్లో రెండవ పంటగా ఎక్కువగా మొక్కజొన్న, వేరుశనగ, పైర్లు పూత దశలో ఉన్నాయని వాటికి నీటి పారుదల శాఖ అధికారులు సకాలంలో నీరు అందించాలని అదేవిధంగా బోర్లు ద్వారా నీరు పెట్టుకునే వారికి విద్యుత్ శాఖ అధికారులు కూడా సకాలంలో కరెంటు ఇవ్వాలని కోరారు. కార్యక్రమంలో జెడ్పీటీసీ సభ్యురాలు మరివాడ వెంకట పావని, వైస్ ఎంపీపీలు పైనం రంగారెడ్డి, కొత్తపల్లి సుమలత, మండల పార్టీ కన్వీనర్ దొంతిబోయిన వెంకటేశ్వర్ రెడ్డి, సర్పంచులు ఎంపీటీసీ సభ్యులు అధికారులు పాల్గొన్నారు.
|
|