ట్రెండింగ్
ఒంటిపూట బడులపై ప్రభుత్వం ఉత్తర్వులు
Andhra Pradesh Telugu | Suryaa Desk | Published : Fri, Apr 01, 2022, 01:51 PM
ఆంధ్రప్రదేశ్లో ఎండలు మండిపోతున్నాయి. ఉష్ణోగ్రతలు నానాటికీ పెరిగిపోతుండడంతో ప్రభుత్వం అప్రమత్తమైంది. ప్రభుత్వ, ప్రైవేట్ పాఠశాలల వేళలను మార్చుతూ నిర్ణయం తీసుకుంది. ఏప్రిల్ 4 నుంచి రాష్ట్రవ్యాప్తంగా అన్ని పాఠశాలల్లో ఒంటిపూట బడులు నిర్వహించాలని ఉత్తర్వులు విడుదల చేసింది. ఉదయం 7.30 నుంచి ఉదయం 11.30 గంటల వరకు పాఠశాలలను నిర్వహించాలని ఏపీ విద్యా శాఖ మంత్రి ఆదిమూలపు సురేష్ వెల్లడించారు. ఇక పదవ తరగతి పరీక్షలు ఏప్రిల్ 27 నుంచి నిర్వహించనున్నట్లు మంత్రి పేర్కొన్నారు. ఇంటర్ పరీక్షలు మే 6 నుంచి ప్రారంభమవుతాయన్నారు. ఇదిలా ఉండగా ఏపీలోని పలు ప్రాంతాల్లో 40 డిగ్రీల కంటే ఎక్కువగా ఉష్ణోగ్రతలు నమోదవుతున్నాయి. విశాఖపట్నంలో గురువారం 41 డిగ్రీలకు పైగా ఉష్ణోగ్రత నమోదైంది.
|
|