వాహనదారులకు అలర్ట్.. కేంద్రం కొత్త రూల్స్
national | Suryaa Desk | Published : Fri, Apr 08, 2022, 08:48 AM
వాహనాల ఫిట్ నెస్ టెస్ట్ విషయంలో కేంద్ర ప్రభుత్వం కీలక నిర్ణయం తీసుకుంది. ఇకపై ఆటోమేటెడ్ టెస్టింగ్ స్టేషన్ల ద్వారా మాత్రమే ఫిట్ నెస్ టెస్ట్ చేసేలా కొత్త విధానం రూపొందించింది. మనుషుల ప్రమేయం లేకుండా పూర్తిగా యంత్రాల ద్వారా ఫిట్ నెస్ టెస్ట్ చేయిస్తే ఎలాంటి పొరపాట్లు జరగకుండా ఉంటాయని కేంద్రం భావిస్తోంది. కేంద్ర ప్రభుత్వం ఈ విధానాన్ని దశల వారీగా అమలు చేస్తోంది. 2023 ఏప్రిల్ 1 నుంచి భారీ సరకు రవాణా వాహనాలు, బస్సులు వంటి భారీ ప్రయాణ వాహనాలకు ఆటోమేటెడ్ ఫిట్నెస్ టెస్ట్ ను తప్పనిసరి చేసింది. మధ్యతరహా, చిన్న రవాణా వాహనాలకు 2024 జూన్ 1 నుంచి ఏటీఎస్తో ఫిట్నెస్ పరీక్ష చేయించాల్సి ఉంటుంది. వ్యక్తిగత వాహనాలు కొని 15 ఏళ్లు గడిచాక రిజిస్ట్రేషన్ ను పునరుద్ధరించకోవాలి. రిజిస్ట్రేషన్ రెన్యూవల్ సమయంలోనే ఫిట్నెస్ టెస్ట్ చేయించుకోవాలని రవాణా శాఖ తెలిపింది. కేంద్ర ప్రభుత్వం విడుదల చేసిన తాజా మార్గదర్శకాల ప్రకారం 8 ఏళ్లలోపు కమర్షియల్ వాహనాలకు రెండేళ్ల పరిమితితో రీ రిజిస్ట్రేషన్ చేస్తారు. ఎనిమిదేళ్లు దాటిన కమర్షియల్ వాహనాలకు ఒక సంవత్సరం కాలపరిమితి ఉంటుంది.
|
|