ట్రెండింగ్
విపక్షాలను ఏకం చేసేందుకు ప్రణాళిక సిద్ధం : రాహుల్ గాంధీ
national | Suryaa Desk | Published : Fri, Apr 08, 2022, 09:20 PM
బీజేపీ ప్రజా వ్యతిరేక విధానాలకు వ్యతిరేకంగా విపక్షాలను ఏకం చేసేందుకు ప్రణాళికలు, కార్యాచరణ సిద్ధం చేస్తున్నట్లు కాంగ్రెస్ పార్టీ అగ్రనేత రాహుల్ గాంధీ తెలిపారు. ఈ మేరకు కేంద్ర మాజీ మంత్రి శరద్ యాదవ్తో కలిసి శుక్రవారం ఢిల్లీలో మీడియాతో మాట్లాడారు. వచ్చే ఎన్నికల్లో బీజేపీని గద్దె దించాల్సిన అవసరం ఉందన్నారు. ప్రతిపక్షాలన్నీ ఏకతాటిపైకి వచ్చి ఆర్ఎస్ఎస్, బీజేపీలకు వ్యతిరేకంగా పోరాడాలన్నారు. సిబిఐ, ఇడి, ఇతర పన్ను ఏజెన్సీలు ప్రతిపక్షాలను భయభ్రాంతులకు గురిచేస్తున్నాయి. ఇలాంటి కుటిల ప్రయత్నాలను ఐక్యంగా తిప్పికొడతాం.అనంతరం శరద్ యాదవ్ మాట్లాడుతూ కాంగ్రెస్ పార్టీ అధ్యక్షుడిగా రాహుల్ గాంధీ పగ్గాలు చేపడితే ప్రతిపక్షాలను ఐక్యం చేయగలరన్నారు. దానికి రాహుల్ బదులిస్తూ తప్పకుండా ఆ అంశంపై పరిశీలిస్తామని బదులిచ్చారు.
|
|