బరువు ఈజీగా తగ్గాలంటే పనీర్ ఇలా తింటే చాలు
Life style | Suryaa Desk | Published : Mon, Apr 11, 2022, 05:16 PM
పనీర్ అంటే చాలా మందికి ఇష్టమే. అయితే, బరువు తగ్గడానికి కూడా దీన్ని ఉపయోగిస్తారని మీకు తెలుసా? పనీర్ ను సరైన మార్గంలో వినియోగిస్తే.. శరీర బరువు సులభంగా తగ్గవచ్చు.
అధిక ప్రోటీన్.. ఒక కప్పు కాటేజ్ చీజ్ లో 28 గ్రాముల ప్రోటీన్, 163 కేలరీలు ఉంటాయి. ప్రోటీన్స్ పనీర్లో ఎక్కువగా ఉండటం వల్ల జీర్ణక్రియకు చేరుకోవడానికి ఎక్కువ సమయం పడుతుంది. అంటే ఫుడ్ ఎక్కువసేపు జీర్ణం కాకుండా ఉంటుంది. కడుపు నిండుగా ఉన్న అనుభూతి కలుగుతుంది. ఈ విధంగా బరువు తగ్గడానికి పనీర్ ఉపయోగపడుతుంది.
కేలరీలు.. 100 గ్రాముల పనీర్లో 72 కేలరీలు మాత్రమే ఉంటాయి. ఇతర ఆహారపదార్థాల కంటే ఇది తక్కువ. అలాగే దీన్ని మీరు ఇతర ఆహారపదార్థాలతో కలిపి తినాల్సిన అవసరం లేదు. కాబట్టి తక్కువ కేలరీలతోనే మీ ఆకలి తీరిపోతుంది. అంతేకాదు, పనీర్ ను గ్రిల్ లేదా బేక్ కూడా చేసుకోవచ్చు.
కాల్షియం.. పనీర్ తినడం వల్ల మీ రోజువారీ కాల్షియం అవసరంలో 30 శాతం లభిస్తుంది. ఎముకల ఆరోగ్యం నుంచి శారీరక శ్రేయస్సుకు కాల్షియం అవసరం. ముఖ్యంగా 30 ఏళ్లుపైబడిన మహిళలకు చాలా అవసరం. కాబట్టి మహిళలు మీ కుటుంబీకులకు పనీర్ వండి పెట్టే అలవాటు ఉంటే మీరు కూడా తప్పకుండా తీసుకోవాలి.
పనీర్ అత్యంత ముఖ్యమైన పోషకం లియోనెలిక్ యాసిడ్. ఇతర పాలఉత్పత్తులలో ఇది సాధారణం. ముఖ్యంగా మొక్కలను తినే జంతువుల్లో లియోనెలిక్ యాసిడ్ ఎక్కువగా ఉంటుంది. శరీరంలోని ఫ్యాట్ తొలగించడానికి, రోగనిరోధక శక్తిని పెంచడానికి లియోనెలిక్ యాసిడ్ చాలా ముఖ్యమైంది.
|
|