బీసీలపై ప్రేమవుంటే వారికి సీఎం పదవి ఇవ్వండి: సోమువీర్రాజు
Andhra Pradesh Telugu | Suryaa Desk | Published : Tue, Apr 12, 2022, 12:21 AM
బీసీలపై ప్రేమే ఉంటే వారికే సీఎం పదవిని వై.ఎస్.జగన్మోహన్ రెడ్డి అప్పగించాలని బీజేపీ ఏపీ చీఫ్ సోమువీర్రాజు సవాల్ విసిరారు. ఏపీలో నూతన మంత్రివర్గాన్ని ఏర్పాటు చేయడం తెలిసిందే. బీసీలు, బడుగు బలహీన వర్గాలకు పెద్దపీట వేశామని వైసీపీ ప్రభుత్వ పెద్దలు చెప్పుకుంటుండడంపై సోము వీర్రాజు స్పందించారు. నామమాత్రపు అధికారాలతో పదవులు ఇచ్చినంత మాత్రాన బీసీల అభ్యున్నతి అనిపించుకోదని చురక అంటించారు. బీసీలపై అంత ప్రేమే ఉంటే బీసీలకు సీఎం పదవి ఇచ్చి జగన్ డిప్యూటీ సీఎంగా ఉండొచ్చు కదా! అని వ్యాఖ్యానించారు.
కుటుంబ పార్టీల వల్ల మంత్రులకు పవర్ ఉండదని, జగన్ క్యాబినెట్ లో ఉన్న మంత్రులకు పవర్ ఉందా? అని ప్రశ్నించారు. పాత హోంమంత్రి మేకతోటి సుచరిత కనీసం ఒక్క డీఎస్పీనైనా బదిలీ చేయగలిగారా? కొత్త హోంమంత్రి తానేటి వనిత ఓ కానిస్టేబుల్ నైనా బదిలీ చేయగలరా? అంటూ సోము వీర్రాజు వ్యంగ్యం ప్రదర్శించారు.
|
|