వేసవిలో వేడి నీటి తో స్నానం చేస్తే...!
Life style | Suryaa Desk | Published : Tue, Apr 19, 2022, 01:58 PM
సాధారణంగా వేసవిలో వేడినీళ్లతో స్నానం చేయాలా లేక చన్నీటి స్నానం చేయాలా అనే డైలామాలో చాలా మంది ఉంటారు. అందులోనూ వేసవిలో వేడినీటితో స్నానం చేస్తే ఏవైనా అనారోగ్య సమస్యలు తలెత్తుతాయేమోనన్న భయం కొందరిలో ఉంటుంది. అయితే వేసవిలో వేడిస్నానంతో ఎన్నో ఉపయోగాలు ఉన్నాయని నిపుణులు చెబుతున్నారు. రోజంతా అలసిపోయిన తర్వాత వేడి నీటి స్నానంతో ఎంతో ఊరట ఉంటుందని తెలుపుతున్నారు. రాత్రి సమయంలో మంచి నిద్ర పొందడంలో వేడి నీటి స్నానం సహాయపడుతుంది. వేడి నీరు శరీరానికి విశ్రాంతినిస్తుంది. అంతేకాకుండా వేడి నీటి స్నానం రక్త ప్రసరణను మెరుగుపరుస్తుంది. రక్తనాళాలు మెరుగైన పనితీరును కనబర్చి, గుండె చక్కగా పని చేస్తుంది. వేడి నీటి స్నానం తేలికపాటి వ్యాయామం వంటిది. వేడి నీటితో స్నానం చేస్తే శ్వేద గ్రంధులు తెరుచుకుంటాయి. తద్వారా చర్మం మెరుగ్గా ఉంటుంది. చర్మం ద్వారా వ్యర్థాలన్నీ పోయి, చక్కని ఆరోగ్యం సాధ్యపడుతుంది. ఇక వేడినీటితో తలనొప్పి కూడా తగ్గుతుంది. సాధారణంగా తలలోని రక్తనాళాలు కుంచించుకుపోవడం వల్ల తలనొప్పి వస్తుంది. వేడి నీటి స్నానంతో రక్తనాళాలపై ఒత్తిడి తగ్గి, తలనొప్పి నయం అవుతుంది.
|
|