సినిమాను తలపించిన చంద్రబాబు బర్త్ డే ప్రోమో
Andhra Pradesh Telugu | Suryaa Desk | Published : Tue, Apr 19, 2022, 10:45 PM
వచ్చే 2024 ఎన్నికలే టార్గెట్ గా చంద్రబాబు జన్మ దిన వేడుకలను టీడీపీ నాయకత్వం ఏర్పాటు చేస్తోంది. టీడీపీ అధినేత నారా చంద్రబాబునాయుడు బుధవారం తన జన్మదినాన్ని జరుపుకుంటున్న సంగతి తెలిసిందే. చంద్రబాబు జన్మదినాన్ని పురస్కరించుకుని పార్టీ అభిమానులు ఓ ప్రత్యేక గీతాన్ని రూపొందించారు. చంద్రన్నా, పెద్దన్నా అంటూ సాగే ఈ గీతం ప్రోమోను టీడీపీ తన అధికారిక ట్విట్టర్ వేదికగా కాసేపటి క్రితం విడుదల చేసింది. ఈ ప్రోమో పార్టీ శ్రేణులనే కాకుండా సామాన్య జనాన్ని కూడా విశేషంగా ఆకట్టుకుంటోంది. సినిమా పాటలకు ఏమాత్రం తగ్గని రీతిలో ఉన్న ఈ గీతం టీడీపీ శ్రేణుల్లో మరింత ఉత్సాహం నింపడం ఖాయమన్న వాదనలు వినిపిస్తున్నాయి.
అధినేత పుట్టిన రోజంటే పార్టీ శ్రేణులకు పండుగే కదా అంటూ పేర్కొన్న టీడీపీ.. తమ అధినేత గురించి ఎంతో గర్వంగా చెప్పుకునే పార్టీ కార్యకర్తలకు మరింత మహదానందకరమంటూ ఆసక్తికర వ్యాఖ్యలు చేసింది. తెలుగుదేశం పార్టీ జాతీయ అధ్యక్షులు నారా చంద్రబాబునాయుడు పుట్టినరోజు సందర్భంగా అభిమానులు రూపొందించిన వీడియో సాంగ్ ప్రోమో చూడండి టీడీపీ తన ట్విట్టర్ ఖాతాలో ఈ ప్రోమోను పోస్ట్ చేసింది.
|
|