ఇఫ్తార్ చేయించి..ప్రశంసలు అందుకొంటున్న రైల్వే శాఖ
national | Suryaa Desk | Published : Tue, Apr 26, 2022, 09:46 PM
ఇండియన్ రైల్వే.. నెటిజన్ల మన్ననలను పొందింది. ఎందుకనుకుంటున్నారా..? శతాబ్ది ఎక్స్ప్రెస్లో ముస్లిం ప్రయాణికులకు రైల్వేశాఖ ఇఫ్తార్ విందు ఏర్పాటు చేసింది. ఈ విషయాన్ని ఓ ప్రయాణికుడు సోషల్ మీడియాలో పంచుకున్నాడు. దాంతో యూజర్లు రైల్వే శాఖపై ప్రశంసలు కురిపిస్తున్నారు. షానావాజ్ అక్తర్ అనే వ్యక్తి శతాబ్ది రైలులో ప్రయాణించారు. తనకు టీ కావాలని.. కానీ ఉపవాసం కావడం వల్ల కొంచెం ఆలస్యంగా తీసుకు రమ్మని ప్యాంట్రీ సిబ్బందిని కోరగా.. వాళ్లు ఇఫ్తార్ విందు తీసుకొచ్చి ఆశ్చర్యపరిచారు. దాంతో అక్తర్ చాలా ఆనందపడి.. ఆ విషయాన్ని ఫోటోలతో సహా సోషల్ మీడియాలో పోస్ట్ పెట్టారు.
"ఇఫ్తార్ విందు ఇచ్చినందుకు ఇండియన్ రైల్వేకి ధన్యవాదాలు. నేను ధన్బాద్లో హౌరా శతాబ్ది ఎక్కిన వెంటనే స్నాక్స్ తీసుకున్నాను. నేను ఉపవాసం ఉన్నందున కొంచెం ఆలస్యంగా టీ తీసుకురావాలని ప్యాంట్రీ సిబ్బందికి చెప్పాను. అతను మీరు ఉపవాసంలో ఉన్నారా..? అని అడిగాడు. నేను అవునని తల ఊపాను. తర్వాత మరొకరు ఇఫ్తార్తో వచ్చారు" అని షానవాజ్ అక్తర్ తన భోజనం ఫోటోను షేర్ చేస్తూ ట్వీట్ చేశారు
|
|