గత 24 గంటల్లో 2,755 మందికి కరోనా
national | Suryaa Desk | Published : Sat, Apr 30, 2022, 10:36 AM
దేశంలో కరోనా వ్యాప్తి కొనసాగుతోంది. గత కొద్ది రోజులుగా రోజువారి కేసుల సంఖ్య పెరుగుతోంది. గడిచిన 24 గంటల్లో 4,96,640 కరోనా నిర్థారణ పరీక్షలు చేయగా 3,688 పాజిటివ్ కేసులు నమోదు అయినట్లు శనివారం ఉదయం విడుదల చేసిన బులిటెన్‌లో కేంద్ర ఆరోగ్యశాఖ వెల్లడించింది. దీంతో దేశంలో కరోనా పాజిటివ్ కేసుల సంఖ్య 4,30,75,864కి చేరింది. కొత్తగా నమోదైన కేసుల్లో 1607 కేసులు ఢిల్లీలోనే ఉన్నాయి. నిన్న కరోనా కారణంగా 50 మంది ప్రాణాలు కోల్పోయారు. దీంతో దేశంలో కరోనా మహమ్మారి వ్యాప్తి మొదలైనప్పటి నుంచి ఇప్పటి వరకు మరణించిన వారి సంఖ్య 5,23,803కి చేరింది.
గత 24 గంటల్లో 2,755 మంది ఈ మహమ్మారి నుంచి కోలుకున్నారు. దీంతో ఇప్పటి వరకు ఈ మహమ్మారిని జయించిన వారి సంఖ్య 4,25,33,377కి చేరింది. ప్రస్తుతం దేశంలో 18,684 యాక్టివ్ కేసులు ఉన్నాయి. ఇక రికవరీ రేటు 98.74 గా, రోజువారి పాజిటివిటీ రేటు 0.74గా ఉంది. దేశంలో కరోనా వ్యాక్సినేషన్ కార్యక్రమం కొనసాగుతోంది. నిన్న 22,58,059 మందికి టీకాలు వేశారు. మొత్తంగా ఇప్పటి వరకు దేశ వ్యాప్తంగా 1,88,89,90,935 డోసులను పంపిణీ చేశారు.
|
|