ట్రెండింగ్
ముకుల్ గోయల్ను డీజీపీ పదవి నుంచి తొలగించిన యూపీ సీఎం
national | Suryaa Desk | Published : Wed, May 11, 2022, 11:53 PM
ఉత్తరప్రదేశ్ ముఖ్యమంత్రి యోగి ఆదిత్యనాథ్ సంచలన నిర్ణయం తీసుకున్నారు. రాష్ట్ర డీజీపీ పదవి నుంచి ముకుల్ గోయల్ను తొలగిస్తూ ఉత్తర్వులు జారీ అయ్యాయి. ఈ మేరకు సీఎంవో బుధవారం ఉత్తర్వులు జారీ చేసింది. విధి నిర్వహణలో నిర్లక్ష్యంగా వ్యవహరించారని, డిపార్ట్మెంట్ పట్ల ఆసక్తి చూపడం లేదని ముకుల్ గోయల్ పై ప్రభుత్వం ఆగ్రహం వ్యక్తం చేసింది. ఆయన్ను డీజీపీ పదవి నుంచి తప్పించి,సివిల్ డిఫెన్స్ డీజీగా బదిలీ చేశారు. ముఖ్యమంత్రి యోగి ఆదిత్యనాథ్ ఉన్నతాధికారులతో జరిగిన సమీక్షా సమావేశాల్లో శాంతిభద్రతల పరిస్థితిపై పలుమార్లు అసంతృప్తి వ్యక్తం చేశారు.
|
|