తక్కువ డౌన్ పేమెంట్ తో ఈ బైక్ లు కొనేయండి

బైక్ ప్రతి ఒక్కడి కల. ఆ కల సాకారం చేస్తామని తయారీ సంస్థలు ముందుకొస్తున్నాయి. కరోనా మహమ్మారి తర్వాత ద్రవ్యోల్బణం పెరుగుదల, ఎలక్ట్రిక్ వెహికిల్స్‌కు డిమాండ్.. టూవీలర్ మార్కెట్‌ను కష్టాల్లో పడేశాయి. గత కొన్ని నెలలుగా టూవీలర్ కంపెనీల అమ్మకాలు భారీగా తగ్గాయి. దీంతో కంపెనీలు తమ బైకులను విక్రయించుకునేందుకు డిస్కౌంట్లతో కస్టమర్ల ముందుకు వచ్చాయి. హీరో, టీవీఎస్, బజాజ్ కంపెనీలు తమ టూవీలర్లపై బంపర్ డిస్కౌంట్లను ఆఫర్ చేస్తున్నాయి. అయితే ఈ ఆఫర్ కేవలం మే నెలలో మాత్రమే అందుబాటులో ఉంటాయి.

బజాజ్ పల్సర్.. బజాజ్ తన పాపులర్ బైకు పల్సర్ 150ను కేవలం రూ.6,999 డౌన్ పేమెంట్ కట్టి ఇంటికి తీసుకెళ్లొచ్చని తెలిపింది. ఈ బైకుపై రూ.3 వేల ఫ్లాట్ డిస్కౌంట్‌ను, 95 శాతం ఫైనాన్స్‌ను ఆఫర్ చేస్తోంది.

హోండా యాక్టివా 6జీ..

హోండాలో యాక్టివా బెస్ట్ సెల్లింగ్ మోడల్‌గా ఉంది. ప్రస్తుతం ఈ స్కూటీపై పలు ఆఫర్లను కంపెనీ ప్రకటించింది. తక్కువ వడ్డీ రేటు 6.99 శాతానికే ఈ స్కూటీని కొనుగోలు చేసుకోవచ్చని, డౌన్ పేమెంట్ రూ.7,999 కడితే చాలని హోండా తెలిపింది. అంతేకాక రూ.2 వేల ఎక్స్చేంజ్ బోనస్‌ను, క్రెడిట్, డెబిట్ కార్డు ఈఎంఐలపై రూ. 5 వేల వరకు క్యాష్‌బ్యాక్‌ను కంపెనీ అందిస్తోంది.

హోండా ఎస్‌పీ125..

రూ.6,999 డౌన్ పేమెంట్‌కే ఈ బైకును కొనుగోలు చేసుకోవచ్చు. ఈ బైకుపై రూ.2 వేల ఎక్స్చేంజ్ బోనస్, క్రెడిట్, డెబిట్ కార్డు ఈఎంఐలపై రూ. 5 వేల వరకు క్యాష్‌బ్యాక్‌ను కంపెనీ ఆఫర్ చేస్తోంది.

టీవీఎస్ రేడియాన్..

ఈ బైకుపై 90 శాతం ఫైనాన్స్‌ అందుబాటులో ఉంది. టీవీఎస్ స్టార్ సిటీ, రైడర్ వంటి టీవీఎస్ ఇతర బైకులపై కూడా ఆఫర్లున్నాయి.

హీరో హెచ్‌ఎఫ్ డీలక్స్..

రూ.7,999 డౌన్ పేమెంట్‌కు 6.9 శాతం వడ్డీ రేటుతో హీరో హెచ్‌ఎఫ్ డీలక్స్‌ను కొనుగోలు చేసుకోవచ్చు. ఈ మోటార్ సైకిల్‌పై కంపెనీ ఐదేళ్ల వారెంటీని ఆఫర్ చేస్తుంది.

హీరో సూపర్ స్ప్లెండర్ బైక్..

హీరో హెచ్‌ఎఫ్ డీలక్స్ మాదిరి ఈ బైకు కూడా రూ.7,999 డౌన్ పేమెంట్‌కే అందుబాటులో ఉంది. వడ్డీ రేటు కేవలం 6.99 శాతం మాత్రమే. ఈ బైకుపై కూడా హీరో ఐదేళ్ల వారెంటీని ఇస్తోంది.