కోనసీమ జిల్లాకు అంబేద్కర్ పేరును వ్యతిరే కించడం బాధాకరం

భారత రాజ్యాంగ రూపకర్త, తొలి ఆర్థికవేత్త అయినటువంటి డాక్టర్ బి. ఆర్ అంబేద్కర్ పేరును కోనసీమ జిల్లాకు పెడుతుంటే కొంతమంది స్వార్థపరులు రాజకీయం చేయడం తగదని ఆంధ్రప్రదేశ్ షెడ్యూల్ కులాల సంక్షేమ సంఘం ఉమ్మడి జిల్లా అధ్యక్షుడు కటిక జయరాం విమర్శించారు.అమలాపురంలో జరిగిన నిరసనగా శనివారం మండల కేంద్రంలోని అంబేద్కర్ విగ్రహం వద్ద దళిత సంఘాల నాయకులతో కలిసి ఆయన ధర్నా కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ ప్రపంచ మేధావి అంబెడ్కర్ పేరు కోనసీమ జిల్లాకు పెట్టడాన్ని జీర్నించుకోలేని కొందరు అమలాపు రంలో విధ్వంసాన్ని సృష్టించడాన్ని తీవ్రంగా కండిస్తున్నమన్నారు.

దళిత మంత్రులపైన, వారి ఇళ్లను ధ్వంసం చేయడం ఎంతవరకు సమంజసమన్నారు. కోనసీమ జిల్లాకు ఒక మహనుభావుని పేరు పెడితే ఎందుకంత కడుపుమంట అని ప్రశ్నించారు. యన్. టి ఆర్. జిల్లా, వై. యస్. అర్. జిల్లా, అల్లూరి సీతారామ రాజు జిల్లా, పొట్టిశ్రీరాములు జిల్లా, అన్నమ య్య జిల్లా, సత్యసాయి జిల్లా, ఇలాంటి పేర్లు పెడితే లేని బాధ అంబేడ్కర్ పేరు పెడితే ఎందుకంత బాధ అన్నారు.

దళితులను అన్ని రాజకీయ పార్టీలు ఓటు బ్యాంకు గానే ఉపయోగించుకుంటున్నాఏతప్పా దళితులకు అండగా నిలిచిన దాఖలాలు లేవన్నారు సాంప్రదాయ పాలక పక్షాలు అన్నీ అంబెడ్కర్ పేరుతో జిల్లాకు పేరు పెట్టాడని సానుకూలత వ్యక్తంచేశారని అయితే ఇటువంటి సమయంలో ఈసంఘటన విస్మయం కలిగిస్తోందన్నారు. ఒకవైపు అంబేద్కర్ని సాంఘిక, ఆర్థికంగా పూర్తిగా వ్యతిరేకించే రాజకీయ శక్తులు పన్నాగమే ఈ పరిణామమనిఅన్నారు.

ఇప్పటికైనా ప్రభుత్వనికి చిత్తశుద్ధి ఉంటే అంబెడ్కర్ పేరు పెట్టాడాన్ని బయటకు ఆమోదిస్తూనే లోపల వ్యతిరేకించే శక్తుల్ని గుర్తించాలన్నారు. ఈ కార్యక్రమంలో నరసింహులు, సలప్ప, సూర్యనారాయణ, రామాంజనేయులు, పాల్గొన్నారు.