మొదటి ప్రపంచ యుద్దం నాటి బాంబును గుర్తించాడు...పెద్ద ప్రమాదాన్ని తప్పించాడు

జరుగుతున్న ప్రమాదాలను కాపాడితే శభాష్ అంటారు. జరగబోయే ప్రమాదాన్ని నివారిస్తే మరింత గట్టిగా శభాష్ అంటారు. ఇదిలావుంటే యూకేలోని నార్తర్న్ ఐర్లాండ్ బీచ్‌లో ఒక కుర్రాడు మొదటి ప్రపంచ యుద్ధం నాటి బాంబును గుర్తించాడు. దానిని చూసిన వెంటనే స్థానిక పోలీసులను సంప్రదించాడు. బాలుడు చెప్పినదాని బట్టి ఆర్మీ టెక్నికల్ ఆఫీసర్ కల్ట్రా బీచ్‌కు వెళ్లి పరిశీలించి.. దానిని మొదటి ప్రపంచ యుద్ధం నాటి మిల్స్ బాంబు హ్యాండ్ గ్రేనేడ్‌గా అని నిర్ధారించారు. దానిని గ్రేనేడ్‌ను క్రాఫోర్డ్స్‌బర్న్ కంట్రీ పార్క్‌కు తీసుకెళ్లి.. అక్కడ సురక్షితంగా పేల్చివేసినట్టు తెలుస్తుంది.

ఆ బాంబు ఎప్పుడైనా పేలవచ్చని స్థానిక పోలీసులు చెప్పారు. దానిని గుర్తించి, పోలీసులను అప్రమత్తం చేసిన కుర్రాడుకు ధన్యవాదాలు కూడా తెలిపారు. ఇదిలావుంటే ఆ మిల్స్ బాంబ్ గ్రెనేడ్ 1915లో అభివృద్ధి చేశారు. బ్రిటన్‌లో మొదటి చేతి గ్రెనేడ్. మొదటి ప్రపంచ యుద్ధంలో, రెండో ప్రపంచ యుద్ధంలో పేలని బాంబులు బయటపడడం ఇదేం మొదటిసారి కాదు. ఇంతకుముందు కూడా చాలాసార్లు ఇలాంటి బాంబులు బయటపడ్డాయి. ఈ ఏడాది ప్రారంభంలో న్యూజిలాండ్‌లోని హాట్ చిప్స్ ఫ్యాక్టరీలో కన్వేయర్ బెల్ట్‌పై రెండో ప్రపంచ యుద్ధం నాటి గ్రేనేడ్ కనిపించింది.

అలాగే లండన్‌లోని సాహోలో 2020లో కూడా రెండో ప్రపంచ యుద్ధంలో పేలని బాంబు కనిపించింది. 2019లో కూడా ఏడు అడుగుల జర్మన్ పేలుడు పదార్థం బయటపడింది. ఐల్ ఆఫ్ వైట్ తీరంలో చేపలు వేటాడే వలలో అది పడింది. తర్వాత దానిని పేల్చివేశారు. అలా ఒకప్పటి బాంబులు అప్పుడప్పుడు బయటపడుతూనే ఉన్నాయి. అదేసమయంలో వాటి వల్ల ఎవరికి ఎలాంటి ప్రమాదం జరగకుండా అధికారులు కూడా వాటిని తొలగిస్తున్నారు.