ప్రియురాలి కోసం ఏకంగా పుతిన్ అలా చేశాడు

రష్యాదేశాధినేత వ్లాదిమిర్ పుతిన్ గురించి ప్రత్యేకంగా చెప్పనక్కర్లేదు. ఆయనలో యుద్దప్రీతితోపాటు మరో కోణం దాగివుంది. ఆయనలోని ప్రేమ గురించి ఇఫుడు కథనాలు వెలుగులోకి వస్తున్నాయి. ఉక్రెయిన్‌పై ప్రత్యేక సైనిక చర్య పేరుతో రష్యా దండయాత్ర మొదలైనప్పటి నుంచి మాస్కో అధ్యక్షుడు వ్లాదిమిర్ పుతిన్ గురించి అనేక ఆసక్తిక విషయాలు వెలుగులోకి వస్తున్నాయి. ముఖ్యంగా ఆయన వ్యక్తిగత జీవితం సహా కుటుంబానికి సంబంధించి పలు పుకార్లు షికార్లు చేస్తున్నాయి. తాజాగా, పుతిన్ గురించి అటువంటి వార్తే హల్‌చల్ చేస్తోంది. తన ప్రియురాలు, జిమ్నాస్ట్ అలీనా కబయేవా గౌరవార్థం పుతిన్ జిమ్నాస్టిక్ ఫెస్టివల్‌ను నెల కిందట నిర్వహించినట్టు అంతర్జాతీయ మీడియా తెలిపింది. ఆ ఈవెంట్‌కు అలీనా ఫెస్టివల్ అని పేరుపెట్టారని న్యూయార్క్ పోస్ట్ తెలిపింది.

ఆ వార్తా సంస్థ కథనం ప్రకారం.. ఆ ఫెస్టివల్‌కు సంబంధించిన వీడియో క్రెమ్లిన్ అనుకూల టీవీ ఛానెల్ రష్యా-1లో బుధవారం ప్రసారమైంది. అంతర్జాతీయ పిల్లల సంరక్షణ దినోత్సవం సందర్భంగా ఈ వీడియోను ప్రసారం చేసినట్టు తెలిపింది. వేదికపై జిమ్నాస్ట్‌లు, చిన్నారులు, ఇతరుల సహా వందల మంది ప్రదర్శన ఇవ్వగా.. వెనుక సోవియట్ యూనియన్‌ నాటి దేశభక్తి గీతాలు వినిపించాయి. ఈ వీడియోల్లో అలీనా కబయేవా కూడా కనిపించినట్లు తెలుస్తోంది. జిమ్నాస్ట్‌ అయిన అలీనా.. రెండుసార్లు ఒలింపిక్ పతకాలు సహా పలు అంతర్జాతీయ పోటీల్లోనూ రాణించింది. రష్యా మోస్ట్‌ ఫ్లెక్సిబుల్ విమెన్‌గా ఆమెకు పేరు.

న్యూస్‌వీక్ నివేదిక ప్రకారం... ఉక్రెయిన్‌పై రష్యన్ దండయాత్రకు మద్దతుగా నలుపు, నారింజ చారలతో Z అక్షరాన్ని ప్రదర్శించిన వీడియోలో కబయేవా కూడా కనిపిస్తుంది. రష్యన్ మిలిటరీని అలీనా మెచ్చుకుంటూ రెండో ప్రపంచ యుద్ధంలో నాజీ జర్మనీపై సోవియట్ యూనియన్ విజయాన్ని ఉక్రెయిన్‌లో ప్రస్తుత సంఘటనలతో పోల్చినట్టు కనిపిస్తుంది. కాగా, అలీనా కబయేవాతో రిలేషన్‌షిప్ గురించి ఇప్పటి వరకూ పుతిన్ అధికారికంగా ఎటువంటి ప్రకటన చేయలేదు. కానీ, అలీనాతో 2007 నుంచి పుతిన్ సహజీవనం చేస్తున్నారని, వీరికి ముగ్గురు పిల్లలు ఉన్నారని అమెరికా నివేదికలు వెల్లడిస్తున్నాయి.