మీ కార్డ్ ఈమధ్యనే మిస్సయ్యిందా... అయితే మీరు తగిన జాగ్రత్తలు తీసుకోవాలి

మీరు తరచుగా డెబిట్ కార్డ్ /క్రెడిట్ కార్డ్ ను ఎక్కువుగా ఇంటర్నెట్ బ్యాంకింగ్ సౌకర్యాలకు వినియోగిస్తూ ఉంటారా... ! మీ కార్డ్ ఈమధ్యనే మిస్సయ్యిందా... అయితే మీరు తగిన జాగ్రత్తలు తీసుకోవాలి. లేకుంటే సైబర్ నేరగాళ్ల బారిన పడే అవకాశం ఉంది జాగ్రత్త!. అంటూ హెచ్చరిస్తున్నారు అనంతపురం పోలీస్ శాఖ. ప్రజలకి మోసాల గురించి వివరిస్తూ .. మీ డెబిట్ కార్డ్ /క్రెడిట్ కార్డ్ లను పోగొట్టుకున్నా లేదా మీ కార్డ్ వివరాలను ఇతరులతో పంచుకున్నా మీ యొక్క డబ్బును కాపాడుకునే అవకాశాన్ని బ్యాంక్ వారు కల్పించారు. ఈ సౌకర్యాలను ఇంటర్నెట్ బ్యాంకింగ్ ద్వారా లాగిన్ అయిన తర్వాత సర్వీసెస్ లేదా కార్డ్స్ manage ఆప్షన్ ను వినియోగించి మీ కార్డ్ కు ఉన్నటువంటి ATM, ఇంటర్నేషనల్ ట్రాన్సక్షన్స్, పోస్ట్ ట్రాన్సక్షన్స్, ఇతర ఆన్లైన్ ట్రాన్సక్షన్స్ కు సంబంధించిన లావా దేవిలను స్విచ్ ఆన్ లేదా స్విచ్ ఆఫ్ చేసుకునే సౌకర్యాన్ని కల్పించారు. ఈ సౌకర్యం మాత్రమే కాకుండా ఆ ట్రాన్సక్షన్స్ కు సంబంధించిన లిమిట్ అనగా మీకు మీరు పైన తెలిపిన అవసరాన్ని బట్టి లిమిట్ సెట్ చేసుకునే అవకాశాన్ని కల్పించారు. మీరు ఈ సౌకర్యం ద్వారా మీరు ఎప్పుడు వినియోగించాలనుకుంటే అప్పుడు మాత్రమే స్విచ్ ఆన్ చేసుకొని తిరిగి స్విచ్ ఆఫ్ చేయడం వలన మరియు మీ యొక్క ఎటిఎమ్ కార్డు (ATM card) పోయిన సందర్భంలో కూడా మీ ఖాతా లోని డబ్బును పదిలంగా ఉంచుకోవచ్చు. ఈ సౌకర్యాన్ని వినియోగించుకొని ప్రజలు తమ ఖాతాలను పదిలంగా ఉంచుకోవాలని విజ్ఞప్తి చేసారు.

తీసుకోవాల్సిన జాగ్రత్తలు ...

మీ యొక్క ఖాతాలకు స్ట్రాంగ్ password ను ఉంచుకోండి మరియు ఆ password ను తరచుగా మార్చుకోండి. * మీకు వచ్చే ఓటిపి లను ఎవ్వరికీ చెప్పకండి, ఒక వేళ చెప్పవలసిన అవసరం ఉంటే ఆ ఓటిపి దేనికి సంబంధించినది అని చదివి చెప్పండి. * మీ యొక్క కార్డ్స్ ను షాపింగ్ మాల్స్ , పెట్రోల్ బంక్ , మరియు ఇతరత్ర వినియోగించే చోట జాగ్రత్త వహించండి. ** ఎవరైనా ఈ విధంగా మోసపోతే cybercrime.gov.in లేదా 1930 కు ఫిర్యాదు చేయాలని జిల్లా ఎస్పీ డాక్టర్ ఫక్కీరప్ప కాగినెల్లి IPS గారు విజ్ఞప్తి చేశారు.