పంజాబీ మ్యూజిక్ కు బ్రిటన్ విద్యార్థుల ఫిదా...చిందులేసి

మ్యూజిక్ ఇది మనస్సులేని మనిషిని కూడా స్టెపులేయిస్తుంది. భాష ఏదైనా... దేశమేదైనా సరే సంగీతానికి కదలని వారుండరు. మ్యూజిక్ వినిపించగానే స్టెప్పులు వేయని వారుండరు. ట్యూన్ వినబడగానే శరీరంలో కదలికలు మొదలైపోతాయి. అలా భారతీయ సంగీతానికి బ్రిటన్ విద్యార్థులు డ్యాన్స్ చేశారు. తమ కాలేజీ కల్చరల్ ఫెస్ట్‌లో విద్యార్థులు పంజాబీ మ్యూజిక్‌ను ఓ రేంజ్‌లో ఎంజాయ్ చేశారు. దీనికి సంబంధించిన వీడియో సోషల్ మీడియాలో వైరల్‌ అయింది.

సంబంధిత వీడియోని సన్నీ హుండాల్ ట్విట్టర్‌లో ఆధునిక బ్రిటన్ అనే క్యాప్షన్‌తో షేర్ చేశారు. ఆ వీడియోలో ఓ కాలేజీలోని కల్చరల్ ప్రోగ్రామ్‌లో ఓ విద్యార్థి డ్యాన్స్ చేస్తున్న దృశ్యాలను చూడొచ్చు. రకరకాల వేషధారణలతో ఇతర విద్యార్థులు అతని చుట్టూ ఉన్నారు. ఆ విద్యార్థులు తమ స్వదేశాల జెండాలతో నృత్యంలో పాల్గొన్నారు. ఈ వీడియో 2.1 మిలియన్లకు పైగా చూశారు. ఈ వీడియోను ప్రతి ఒక్కరూ ఇష్టపడుతున్నారు. వీడియోను చూసి తమ సంతోషాన్ని వ్యక్తం చేస్తున్నారు.

"విభిన్న సంస్కృతులకు చెందిన ఎంతోమంది విద్యార్థులు ఒకచోట చేరి ఇలా ఎంజాయ్ చేయడం చాలా అందంగా ఉంది. ఇది చాలా అద్భుతమైన విషయం." అని ఓ యూజర్ కామెంట్ పెట్టారు. అలాగే "పంజాబీ సంగీతం ఎల్లప్పుడూ అందరినీ ఒకచోట చేర్చుతుంది" అని మరొకరు కామెంట్ పెట్టారు. అలాగే పంజాబీ సంగీతం చాలా అద్భుతంగా ఉల్లాసంగా ఉంది. దానికి డ్యాన్స్ చేయడం నాకు చాలా ఇష్టం. అని మరొకరు కామెంట్ చేశారు. "వీడియోలో ఉన్న బాలుడు నా కొడుకు. అతని గురించి నేను చాలా గర్వపడుతున్నాను. యువకులు ఒకరినొకరు సరదాగా గౌరవించుకోవడం. అద్భుతం" అని మరొక వినియోగదారు పేర్కొన్నారు.