ఆధార్ కు నిర్ణీత గడువు లేక పోయినా...అప్డేడ్ మాత్రం చేసుకోవాల్సిందేనటా

ఆధార్ కార్డు గురించి తెలియని వారుండరు. అయితే ఆధార్ కార్డ్ కు నిర్ణీత  గడువు అంటూ ఏమీ లేదన్న విషయం కూడా మనందరికీ తెలుసు. అయినా ఆ కార్డ్ ను అప్డేట్ చేసుకోవాల్సి ఉంటుందన్నది ఎంతమందికి తెలుసు..? ఆధార్ కార్డు ప్రతి ఒక్కరికీ ఉంటుంది. ఆధార్ కార్డు ఎవరికైనా ఒకటే కదా? అని అందరూ అనుకుంటూ ఉండొచ్చు. అయితే ఆధార్ కార్డుల్లో కూడా రకాలు ఉన్నాయి. కొన్ని ఆధార్ కార్డులు కొంత కాలం తర్వాత చెల్లుబాటు కాకపోవచ్చు. ఎందుకంటే వాటిని అప్‌డేట్ చేసుకోవాల్సి ఉంటుంది. లేదంటే ఇబ్బందులు పడాల్సి వస్తుంది. సాధారణంగా అయితే ఆధార్ కార్డుకు ఎక్స్‌పైరీ డేట్ ఉండదు. కానీ కొన్ని ఆధార్ కార్డులను కచ్చితంగా ఒక నిర్ణీత గడువు తర్వాత అప్‌డేట్ చేసుకోవాలి. ఏ ఏ ఆధార్ కార్డులకు ఈ రూల్స్ వర్తిస్తాయో ఇప్పుడు ఒకసారి తెలుసుకుందాం.

ఐదేళ్లలోపు పిల్లలకు ఆధార్ కార్డు తీసుకున్న వారు, ఆ ఆధార్ కార్డును కచ్చితంగా అప్‌డేట్ చేసుకోవాలి. పిల్లలకు ఐదేళ్ల వచ్చినప్పుడు బయోమెట్రిక్స్‌తో అప్‌డేట్ చేయాలి. ఒకవేళ ఇలా చేయకపోతే బాల ఆధార్ కార్డు చెల్లుబాటు కాదు. అంటే ఇన్‌యాక్టివ్ అవుతుంది. దగ్గరిలోని ఆధార్ సెంటర్‌కు వెళ్లి ఆధార్ కార్డును అప్‌డేట్ చేసుకుంటే సరిపోతుంది.

అంతేకాకుండా 15 ఏళ్లు వచ్చినప్పుడు కూడా మళ్లీ ఆధార్ కార్డును మళ్లీ బయోమెట్రిక్‌తో అప్‌డేట్ చేసుకోవాల్సి ఉంటుంది. అంటే పుట్టిన పిల్లలకు లేదంటే ఐదేళ్లకు లోపు పిల్లలకు ఆధార్ కార్డు తీసుకుంటే అప్పుడు వారి ఆధార్ కార్డును 5 ఏళ్లు వచ్చినప్పుడు, 15 ఏళ్లు వచ్చినప్పుడు అంటే 2 సార్లు అప్‌డేట్ చేసుకోవాల్సి ఉంటుంది. ఒకవేళ ఐదేళ్ల తర్వాత ఆధార్ కార్డును తీసుకుంటే.. అప్పుడు ఒకసారి అప్‌డేట్ చేసుకోవాలి. లేదంటే ఆధార్ కార్డు ఇన్‌యాక్టివ్ కావొచ్చు. పిల్లలకు బయోమెట్రిక్ అప్‌డేట్ అనేది ఉచితమనే చెప్పుకోవాలి. తల్లిదండ్రులు దగ్గరిలోని ఆధార్ సెంటర్‌కు వెళ్లి పని పూర్తి చేసుకోవచ్చు.

ఆధార్ సెంటర్ ఎక్కడ ఉందో ఎలా తెలుసుకోవాలి?

* యూఐడీఏఐ వెబ్‌సైట్‌లోకి వెళ్లి ఆధార్ సెంటర్‌ ఎక్కడ ఉందో తెలుసుకోవచ్చు. దీని కోసం మీరు ఆధార్ సెంటర్ లింక్‌పై క్లిక్ చేయొచ్చు.

* ఇక్కడ మీకు మూడు రకాల ఆప్షన్లు కనిపిస్తాయి. స్టేట్, పోస్టల్ పిన్ కోడ్, సెర్చ్ బాక్స్ అనేవి ఇవి

* మీరు ఇందులో మీకు నచ్చిన ఆప్షన్ ఎంచుకోవచ్చు. తర్వాత అససరమైన వివరాలు ఎంటర్ చేయొచ్చు.

* తర్వాత లొకేట్ సెంటర్ అనే బటన్ ఉంటుంది. దీనిపై క్లిక్ చేయాలి. ఇప్పుడు మీకు దగ్గరిలోని ఆధార్ సెంటర్ వివరాలు కనిపిస్తాయి. తర్వాత అపాయింట్‌మెంట్ తీసుకోవాలి. మీరు ఎంచుకున్న తేదీలో ఆధార్ సెంటర్‌కు వెళ్లి బయోమెట్రిక్స్ అప్‌డేట్ చేసుకుంటే సరిపోతుంది.