ఉద్దండ నాయకులకే వైయస్ జగన్‌ గొంతు ఎండిపోయేలా చేశారు
Andhra Pradesh Telugu | Suryaa Desk | Published : Fri, Jul 08, 2022, 01:15 PM
దివంగత నేత వైయస్ రాజశేఖరరెడ్డి ప్రస్థానమంతా జనంతో ముడిపడి ఉందని వైయ‌స్ఆర్‌ కాంగ్రెస్‌ పార్టీ గౌరవాధ్యక్షురాలు వైయస్ విజయమ్మ అన్నారు. మహానేత వైయ‌స్సార్‌ 73వ జయంతిని పురస్కరించుకుని శుక్ర, శనివారాల్లో వైయ‌స్ఆర్‌సీపీ నిర్వహిస్తున్న ప్లీనరీ సమావేశాలకు హాజరైన వైయస్ విజయమ్మ మాట్లాడుతూ.. వైయస్ రాజశేఖరరెడ్డి అందరివాడు. మీ అందరి హృదయాల్లో వైయ‌స్ఆర్‌ గారు సజీవంగా ఉన్నారని అన్నారు.
ఆనాడు అధికార శక్తులన్నీ వైయస్ జగన్‌పై విరుచుకుపడ్డా బెదరలేదు. అన్యాయంగా కేసులు పెట్టి వేధించారు. 2011లో కాంగ్రెస్‌ పొమ్మనలేక పొగపెట్టింది. వైయస్ జగన్‌ ఓర్పు, సహనంతో ఎంతో ఎత్తుకు ఎదిగారు. ఉద్దండ నాయకులకే వైయస్ జగన్‌ గొంతు ఎండిపోయేలా చేశారు. ఈ రోజు సగర్వంగా ప్లీనరీ జరుపుకుంటున్నాం. మీ అందర్నీ ఆశీర్వదించడానికి, అభినందించడానికి నేను వచ్చాను. ప్రజల అభిమానం, ఇచ్చిన మాట నుంచి వైయ‌స్ఆర్‌సీపీ పుట్టింది. ఎలాంటి వివక్ష లేకుండా అందరికీ సంక్షేమ పథకాలు అందిస్తున్నారు. గ్రామ సచివాలయాలు, రైతు భరోసా కేంద్రాలు, జగనన్న అమ్మ ఒడి, పేదలకు ఇళ్ల స్థలాలు ఇచ్చి పాలనలో విప్లవాన్ని తెచ్చారు. వైయస్ జగన్‌ చెప్పినవే కాకుండా చెప్పనివి కూడా చేశారు. వైయస్ జగన మాస్‌ లీడర్‌. జగన్‌ యువతకు రోల్‌మోడల్ అని వైయస్ విజయమ్మ పేర్కొన్నారు.
|
|