శాంతిస్తున్న కరోనా...పరిస్థితి అదుపులోనే
national | Suryaa Desk | Published : Wed, Jul 13, 2022, 03:36 PM
కరోనా వైరస్ కాస్త శాంతించినట్లు కనిపిస్తోంది. దేశంలో కరోనా వ్యాప్తి కొనసాగుతున్నా కాస్త పరిస్థితి అదుపులోనే ఉంది. తాజాగా 4.59 లక్షల మందికి కొవిడ్ పరీక్షలు నిర్వహిస్తే.. 16,906 మందికి కరోనా తేలింది.. 45 మంది మరణించారు. ముందురోజుతో పోలిస్తే 3 వేల మేర కేసులు అధికంగా నమోదయ్యాయి. పాజిటివిటీ రేటు 3.68 శాతానికి చేరగా.. యాక్టివ్ కేసులు 1,32,457 ఉండగా.. 0.30శాతంకి పెరిగింది. 24 గంటల వ్యవధిలో 15,447 మంది కోలుకున్నారు. ఈ రెండేళ్ల కాలంలో 4.36 కోట్ల మందికి కరోనా సోకగా.. అందులో 98.49 శాతం మంది వైరస్ నుంచి బయటపడ్డారు.
తెలంగాణలో కరోనా కేసుల విషయానికి వస్తే.. మంగళవారం రాష్ట్రంలో 562 కరోనా కేసులు నమోదయ్యాయి. సోమవారంతో పోలిస్తే రాష్ట్రంలో 200కిపైగా అధికంగా కొత్త కేసులు నమోదు కావడం ఆందోళణ కలిగిస్తోంది. జీహెచ్ఎంసీ పరిధిలోనే 329 కొత్త కేసులు ఉన్నాయి. రంగారెడ్డి జిల్లాలో 60, మేడ్చల్-మల్కాజ్‌గిరి జిల్లాలో 52 కేసులు నమోదయ్యాయి.
రాష్ట్రంలో యాక్టివ్ కేసుల సంఖ్య 5112కు చేరగా.. గత 24 గంటల్లో 616 మంది కరోనా నుంచి కోలుకున్నారు. తెలంగాణలో ఇప్పటి వరకూ 3 కోట్ల 59 లక్షల 12 వేల 41 కోవిడ్ టెస్టులు చేశారు. రాష్ట్రంలో ఇప్పటి వరకూ 8,08,134 మంది కరోనా సోకగా.. వైరస్ నుంచి రికవరీ అయిన వారి సంఖ్య 7,97,911కు చేరింది. రికవరీ రేటు 98.86 శాతంగా ఉంది.
|
|