జొమాటో ఒక షేరు విలువ మరింత దిగిరానున్నదా...జోస్యం చెప్పిన అశ్వత్ దామోదరన్
business | Suryaa Desk | Published : Thu, Jul 28, 2022, 04:09 PM
జొమాటో షేర్ ధర విషయంలో అశ్వత్ దామోదరన్ చెబుతున్న జోస్యం నిజమవుతోంది. దీంతో ఆయన తాజాగా చేసిన వ్యాఖ్యలు కీలకంగా మారాయి. జొమాటో ఒక షేరు విలువ రూ.41. వ్యాల్యూషన్ గురువుగా పరిచితులైన అశ్వత్ దామోదరన్ జొమాటో ఐపీవో సమయంలోనే చెప్పిన మాట. న్యూాయార్క్ లోని స్టెర్న్ స్కూల్ ఆఫ్ బిజినెస్ లో ఫైనాన్స్ ప్రొఫెసర్ గా పనిచేస్తున్నారు. జొమాటోకు రూ.41 విలువ చెప్పినప్పుడు ఆయన్ను ఎందరో విమర్శించారు. తిట్టిన వారు, విమర్శించిన వారు కూడా ఉన్నారు. ఎందుకంటే ఐపీవోలో ఒక్కో షేరు ధర రూ.76. లిస్ట్ అయింది రూ.115 వద్ద. అక్కడి నుంచి రూ.179కు దూసుకుపోయింది.
దీంతో అంత తక్కువ ధర కట్టినందుకు ఆయన విమర్శలు ఎదుర్కోవాల్సి వచ్చింది. సరిగ్గా ఏడాది తర్వాత జొమాటో షేరు ధర దామోదరన్ చెప్పిన స్థాయికి దిగొచ్చింది. ప్రస్తుతం జొమాటో షేరు ధర రూ.46 స్థాయిలో ఉంది. ఈ తరుణంలో గతంలో తాను చెప్పినట్టు ఒక్కో షేరు సహేతుక విలువ రూ.41ని దామోదరన్ తగ్గించారు. రూ.35.32గా సవరించారు. మరికొన్ని వారాల్లో ఈ షేరు మేడెన్ విలువ అయిన రూ.34.12కు దిగొస్తుందని, అదే జరిగితే తాను కొనుగోలు చేస్తానని ప్రకటించారు.
|
|