పలు చోరి కేసుల్లోని ముద్దాయిని అరెస్ట్ చేసిన అన్నమయ్య జిల్లా పోలీస్ అధికారులు.
Andhra Pradesh Telugu | Suryaa Desk | Published : Wed, Aug 03, 2022, 12:40 PM
రాయచోటి రూరల్ సి.ఐ,రాయచోటి అర్బన్ సి.ఐ,ఎస్.ఐ సిబ్బందితో 01.08.2022వ తేదీన సంబేపల్లి మండలం,మోటకట్ల గ్రామంలోని శివాలయం వద్ద ఉండగా కలకడ వైపు నుండి మోటర్ సైకిల్ లో ఒక వ్యక్తి రాయచోటి వైపుకు వస్తూ ఉండి పోలీసు జీపులను చూసి తన యొక్క మోటార్ సైకిల్ ను వెనుకకు తిప్పుకొని మదనపల్లి వైపుగా పారిపోవుటకు ప్రయత్నించిన వ్యక్తి ని పట్టుకొన్న పోలీసులు. పట్టుపడ్డ వ్యక్తి 15.07.2022 తేదీ న చిన్నమండెం టౌన్ నందు New VR జువెలర్స్ నందు బంగారు మరియు వెండి ఆభరణాలు దొంగతనం చేసిన నిందితుడు గా గుర్తింపు. నిందితుని వద్ద నుండి రీకవరి చేసిన సొమ్ము మొత్తం సుమారు 538.7 గ్రాముల బంగారు ఆభరణాలు,648.200 గ్రాముల వెండి ఆభరణాలు, రూ. 1,55,000/- నగదు, దొంగతనానికి ఉపయోగించిన ఇనుప రాడ్ మరియు TVS Apache RR310 ఎరుపు రంగు మోటర్ సైకిల్ స్వాధీనం చేసుకున్నారు.
పట్టుబడిన బంగారు వెండి ఆభరణాల విలువ రూ. 30,62,380/- రూపాయలు ఉంటుందన్న జిల్లా ఎస్.పి. అరెస్టయిన నిందితుడు పాలేరు గ్రామం, బంగారుపాలెం మండలం, చిత్తూరు జిల్లా చెందిన తోట రాజేష్(23) గా గుర్తింపు. తోట రాజేష్ పై కడప, చిత్తూరు మరియు తిరుపతి జిల్లా లోని పలు పోలీస్ స్టేషన్ లలో 17 దొంగతనం కేసులు కలవు.
|
|