పీవీ సింధుకు ఇదే తొలి స్వర్ణం
Andhra Pradesh Telugu | Suryaa Desk | Published : Tue, Aug 09, 2022, 03:12 PM
బ్యాడ్మింటన్‌ మహిళల సింగిల్స్‌ ఫైనల్లో,p.v సింధు తన సత్తా చాటి పసిడి పతకం గెలిచి మరో ప్రతిష్టాత్మక టైటిల్‌ను తన ఖాతాలో వేసుకుంది. స్వర్ణం సాధించిన పీవీ సింధును ఏపీ ముఖ్య‌మంత్రి వైయ‌స్ జ‌గ‌న్ మోహ‌న్ రెడ్డి అభినంద‌న‌లు తెలిపారు.
బర్మింగ్‌హామ్‌ వేదికగా సోమవారం జరిగిన ఫైనల్లో కెనడా షట్లర్‌ మిచెల్లీ లీని సింధు మట్టికరిపించింది. మొదటి నుంచి ఆధిపత్యం కనబరుస్తూ (21-15, 21-13) ప్రత్యర్థికి ఏమాత్రం అవకాశం ఇవ్వకుండా దూసుకుపోయింది. తన అనుభవం మొత్తం ఉపయోగిస్తూ వరుస సెట్లలో పైచేయి సాధించి విజేతగా నిలిచింది.
ఇక కామన్‌వెల్త్‌ గేమ్స్‌లో పీవీ సింధుకు ఇదే తొలి స్వర్ణం కావడం విశేషం. అంతకుముందు 2014లో కాంస్యం, 2018లో రజత పతకాలను సింధు గెలిచింది. 2018లో సింధు ఫైనల్‌ చేరినా.. తుదిపోరులో మరో భారత బ్యాడ్మింటన్‌ స్టార్‌ సైనా నెహ్వాల్‌ చేతిలో ఓడిపోయిన విషయం తెలిసిందే.
|
|