ఆ సంతోషం మరెక్కడా దొరకదు...ఎమ్మెల్యే వై.వెంకట్రామి రెడ్డి
Andhra Pradesh Telugu | Suryaa Desk | Published : Thu, Aug 11, 2022, 03:49 PM
పేదలకు ఏదైనా చేయాలంటే గొప్ప సంకల్పం..మంచి మనస్సు ఉండాలి. అదే తరహాలో అనంతపురం జిల్లా గుంతకల్లు ఎమ్మెల్యే వై వెంకట్రామిరెడ్డి పెద్ద మనసు చాటుకున్నారు. గుంతకల్లులోని ప్రభుత్వ ఆస్పత్రి పక్కన ఎమ్మెల్యే వైవీఆర్ ఏర్పాటు చేసిన వైఎస్సార్‌–వైవీఆర్ క్యాంటీన్‌ను ఎమ్మెల్సీ వై.శివరామిరెడ్డి ప్రారంభించారు. ప్రతిరోజూ మధ్యాహ్నం 500 మందికి రుచికరమైన వేడి భోజనాన్ని రూ.6కే అందుబాటులో ఉంటుంది. ఎమ్మెల్యే వైవీఆర్‌ను ఆయన సోదరుడు ఎమ్మెల్సీ శివరామిరెడ్డి, స్థానిక నేతలు అభినందించారు. ఒక వ్యక్తి ఆకలి తీర్చడం లో వున్న సంతోషం మరెక్కడా దొరకదు అన్నారు ఎమ్మెల్యే. తన నియోకవర్గ ప్రజలకు ఎల్లప్పుడూ అండగా ఉంటూ ఆసుపత్రికి వచ్చే వాళ్ళకి, ఎంతో మంది పేదప్రజలకు కడుపునిండా అన్నం పెట్టడం ఆనందంగా ఉందన్నారు.
దేవుడి దయ, నియోజకవర్గ ప్రజల ఆశీస్సులతో ఏదో ఉడతాభక్తిగా ఈ చిరు అన్నదాన సేవా కార్యక్రమాన్ని ప్రారంభించామన్నారు ఎమ్మెల్యే వైవీఆర్. తాను ఉన్నంత వరకూ నిస్వార్థంగా, నిరాటంకంగా కొనసాగిస్తానని తెలిపారు. ఒక్కపూట తిండి కోసం అలమటించే ఎందరో నిరుపేదలు, నిరాశ్రయుల ఆకలి తీర్చాలన్నదే తన అభిమతం అన్నారు. అందుకే రూ.6కే రుచికరమైన మధ్యాహ్న భోజనాన్ని క్యాంటీన్‌లో అందుబాటులోకి తీసుకువచ్చినట్లు గుంతకల్లు ఎమ్మెల్యే వై.వెంకట్రామిరెడ్డి తెలిపారు. ఓవైపు టీడీపీ అన్న క్యాంటీన్‌లు ప్రారంభిస్తుంటే.. వైఎస్సార్‌సీపీ ఎమ్మెల్యే వెంకట్రామిరెడ్డి కూడా మంచి మనసుతో క్యాంటీన్ ప్రారంభించారు.
|
|